वीरगंज — सडक दुर्घटना न्यूनीकरण गर्ने उद्देश्यका साथ जिल्ला ट्राफिक प्रहरी कार्यालय पर्साले आज गण्डक क्षेत्र आसपास विशेष ‘सरप्राइज चेकिङ’ अभियान सञ्चालन गरेको छ।
अचानक गरिएको उक्त चेकिङ कार्य जिल्ला ट्राफिक प्रहरी कार्यालय पर्साका प्रमुख प्रहरी निरीक्षक युवराज कटवाल, वरिष्ठ सई गुणनिधि खकुरेल तथा ट्राफिक प्रहरीको टोलीले कडाइका साथ सम्पादन गरेको कार्यालयले जनाएको छ।
चेकिङका क्रममा मद्यपान गरी सवारी चलाएको (मापसे) एक चालकलाई नियन्त्रणमा लिइएको ट्राफिक कार्यालयले जानकारी दिएको छ। पक्राउ परेका चालकविरुद्ध कानुनअनुसार आवश्यक कारबाही अघि बढाइने छ।
त्यसैगरी, सवारी कागजात नबोकेका तथा अन्य नियम उल्लङ्घन गर्ने दर्जनौं चालकलाई रोकेर आवश्यक निर्देशन, सचेतना तथा चेतावनी दिइएको ट्राफिक प्रहरीले जनाएको छ।
प्रहरी निरीक्षक कटवालका अनुसार बढ्दो सडक दुर्घटनालाई नियन्त्रणमा राख्न नियमित अनुगमनसँगै आकस्मिक चेकिङ अभियान निरन्तर सञ्चालन गरिनेछ।
उनले चालकहरूलाई सुरक्षित ड्राइभिङ, सिमित गति, मापसे नगर्ने, कागजात सधैं साथमा राख्ने र ट्राफिक नियमहरूको पूर्ण पालना गर्न आग्रह गर्दै दुर्घटना न्यूनीकरण सबैको सामूहिक जिम्मेवारी भएको बताए।
By
By
