जेन–जी आन्दोलनको आडमा फरार दुई थुनुवा झापाबाट पक्राउ
By anjana soni
५ महिना अगाडि
Comments: 0
झापा – गत भदौ २४ गते जेन–जी आन्दोलनका क्रममा भएको असहज परिस्थितिको फाइदा उठाउँदै हिरासतबाट फरार भएका दुई थुनुवा पक्राउ परेका छन्।
फरार भएका थुनुवाहरूलाई इलाका प्रहरी कार्यालय झिलझिलेको टोलीले उनीहरुकै घरबाट पक्राउ गरी पुनः हिरासतमा ल्याएको हो।
जिल्ला प्रहरी कार्यालय झापाका प्रहरी नायव उपरीक्षक खगेन्द्रबहादुर खड्काका अनुसार, लागूऔषध मुद्दामा थुनामा रहेका निम्न व्यक्तिहरू फरार भएका थिए:
राजेन्द्र ताजपुरिया: २९ वर्षीय, शिवसताक्षी नगरपालिका–४, झापा।
ननकिशोर साह: ४० वर्षीय, सोही मुद्दाका अभियुक्त।
उनीहरूलाई इलाका प्रहरी कार्यालय झिलझिलेबाट म्याद थप गरी अनुसन्धानका लागि हिरासतमा राखिएको थियो।
जेन–जी आन्दोलनका कारण उत्पन्न अस्थिरताका बीच हिरासतको सुरक्षा व्यवस्था कमजोर हुँदा उनीहरू भागेका थिए। अहिले पक्राउ परेपछि उनीहरूमाथि लागूऔषध मुद्दाका साथै हिरासतबाट भागेको थप कसुरमा अनुसन्धान अगाडि बढ्नेछ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
