जेनजी आन्दोलनपछि वीरगंजमा जनमत पार्टीको लोकप्रियता बढ्दो: अध्यक्ष सर्राफ
By Birgunj
७ महिना अगाडि
Comments: 0
वीरगंज – वीरगंज महानगरपालिका वडा नम्बर १६ स्थित नगवामा शनिबार जनमत पार्टीले आयोजना गरेको भेटघाट तथा जनसंवाद कार्यक्रममा दुई दर्जनभन्दा बढी स्थानीयवासीहरू जनमत पार्टीमा प्रवेश गरेका छन्। जनमत पार्टी पर्सा जिल्ला अध्यक्ष ओमप्रकाश सर्राफले उक्त जानकारी दिएका हुन्।
पार्टी प्रवेश गर्नेहरू स्थानीय अगुवा शंकर महतोको नेतृत्वमा आएका हुन्। कार्यक्रममा अध्यक्ष सर्राफले जनमत पार्टीले जेनजी पुस्ताको एजेन्डालाई लामो समयदेखि अघि सारेको बताउँदै भ्रष्टाचारको अन्त्य, प्रत्यक्ष निर्वाचित कार्यकारी प्रमुख, र दलिय सेन्डिकेट तोडेर प्रतिस्पर्धात्मक संवैधानिक नियुक्तिको पक्षमा रहेको उल्लेख गरे।
उनले जेनजी आन्दोलनपछि जनमत पार्टीप्रतिको जनसमर्थन अझ बढेको दाबी पनि गरे।
कार्यक्रममा पार्टीका केन्द्रिय सदस्य विद्यालाल प्रसाद, रम्भा मिश्रा, श्याम शंकर चौरसिया, प्रदेश सदस्य शिव यादव, राजनारायण मिश्र, भूपेन्द्र साह, महानगर अध्यक्ष महादेव शर्मा, क्षेत्रीय अध्यक्ष गगन देव यादव, डा. मनोज सर्राफ लगायत नेताहरूको सहभागिता रहेको थियो।
७ महिना अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
