आठ दलीय सत्ता गठबन्धनको बैठक बस्दै, राष्ट्रपतिको उम्मेदवारको प्रस्तावक टुंगो लगाउने

काठमाडौं, फागुन १३ गते । आज दिउँसो १ बजे आठ दलीय सत्ता गठबन्धनको बैठक बस्दैछ । राष्ट्रपतिको उम्मेदवारको प्रस्तावक र समर्थक टुंगो लगाउन बैठक बस्न लागेको हो ।संघीय संसदको लोहत्से हलमा बैठक बस्ने तय भएको कांग्रेसका सहमहामन्त्री महेन्द्र यादवले जानकारी दिएका छन् ।

नयाँ गठबन्धनले नेपाली कांग्रेसका उम्मेदवारलाई राष्ट्रपतिमा समर्थन गर्ने निर्णय गरेको छ ।आज बिहान बसेको नेपाली कांग्रेसको कार्यसम्पादन समितिको बैठकले वरिष्ठ नेत रामचन्द्र पौडेललाई राष्ट्रपतिको उम्मेदवार बनाउने निर्णय गरेको छ ।कांग्रेस, माओवादी, एकीकृत समाजवादी, जसपा, लोसपासहित ८ दलको नयाँ समीकरण बनेको छ ।राष्ट्रपति निर्वाचनका लागि आजै उम्मेदवारी दर्ता गर्ने समय तोकिएको छ। राष्ट्रपतिको निर्वाचन फागुन २५ गते हुनेछ।