नेसपाको राजनीतिक समिति बैठक बस्दै, पार्टी एकताका विषयमा छलफल गर्ने
By YOUTV
३ वर्ष अगाडि
Comments: 0
काठमाडौं पुस २४ गते ।नेपाल समाजवादी पार्टी (नेसपा)ले राजनीतिक समिति बैठक बोलाएको छ । नेकपा (माओवादी केन्द्र) सँग एकताको तयारी थालेको नेसपाले आज विहान ११ बजे बस्ने बैठकमा पार्टी एकता लगायतका विषयमा छलफल गर्ने छ । समाजवादी धारको नेतृत्व गर्ने गरी विचार र सिद्धान्त मिल्ने दलहरूसँगको एकता प्रक्रियालाई तीव्रता दिने विषयमा बैठकमा छलफल हुने छ ।
समाजवादी ध्रुवीकरणको विषय, पार्टीको संगठन सुदृढीकरण, पार्टीका विभिन्न तहका सम्मेलनको विषय, चुनावको समीक्षा, समसामयिक राजनीतिक विषय, आगामी रणनीति लगायत एजेन्डाहरूमाथि पनि बैठकमा छलफल हुने नेसपा पार्टीका प्रचार विभाग प्रमुख विश्वदीप पाण्डेले जानकारी दिएका छन् ।
नेसपाले एकताका लागि वार्ता टोली पनि गठन गर्ने छ । यसअघि सो पार्टीका अध्यक्ष डा. बाबुराम भट्टराईले माओवादी अध्यक्ष एवं प्रधानमन्त्री पुष्पकमल दाहाल प्रचण्डसँग भेटवार्ता गर्दै एकताका लागि पहल गर्ने बताएका थिए ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
