राष्ट्रपति र उपराष्ट्रपतिको निर्वाचन प्रक्रिया थाल्न आयोगलाई प्रधानमन्त्रीको निर्देशन
By Anusha sijapati
३ वर्ष अगाडि
Comments: 0
काठमाडौं, १८ पुस । प्रधानमन्त्री पुष्पकमल दाहाल ’प्रचण्ड’ ले राष्ट्रपति, उपराष्ट्रपतिको निर्वाचन प्रक्रिया अगाडि बढाउन निर्वाचन आयोगलाई निर्देशन दिएका छन् ।
सोमबार सिंहदरबारमा आयोगका पदाधिकारीसंग छलफल गर्दै प्रधानमन्त्री प्रचण्डले संविधान र कानुनमा व्यवस्था भए बमोजिम राष्ट्रपति, उपराष्ट्रपति र राष्ट्रिय सभा सदस्यको रिक्त रहेको एक स्थानमा निर्वाचनका लागि आवश्यक प्रक्रिया थाल्न निर्देशन दिएका हुन् ।
राष्ट्रपति र उपराष्ट्रपतिको निर्वाचनका लागि राजनीतिक दलहरुबीच छलफल गर्ने र निष्कर्षमा पुग्ने प्रधानमन्त्रीको भनाई छ ।
छलफलका क्रममा प्रधानमन्त्रीले स्थानीय तहको निर्वाचन, प्रदेश सभा सदस्य निर्वाचन र प्रतिनिधिसभा सदस्य निर्वाचन कुशलतापूर्वक सम्पन्न गरेकोमा धन्यवाद दिएका उपप्रधान एवं गृहमन्त्री रवि लामिछानेले जानकारी दिए ।
निर्वाचनको मितिका बिषयमा भने पछि छलफल गर्ने उनको भनाइ छ । बैठकमा आयोगका प्रमुख आयुक्त दिनेशकुमार थपलिया लगायत आयुक्तहरुले निर्वाचन आयोगको कामकारबाही र निर्वाचन प्रक्रियाबारे जानकारी गराएका थिए ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
