काठमाडौं । सांगीतिक कार्यक्रम प्रस्तुत गर्न पाकिस्तानी गायक अतिफ असलम सन् २०१२ मा काठमाडौंमा थिए । दशरथ रंगशालामा उनले दर्शकलाई नचाए ।
उनी काठमाडौं आएको १० वर्ष बित्यो । तर पनि उनी नेपाल कन्सर्टलाई लिएर नोस्टाल्जिक बनेका छन् । नेपाल टुरलाई सम्झिंदै अतिफले नेपाली फ्यानको फिडब्याक र रेस्पोन्स वास्तवमै प्रेरणादायी रहेको बताएका छन् ।
हालैका केही अन्तर्वार्तामा अतिफले भनेका छन्, ‘अहिलेसम्म म एकपटक मात्र नेपाल गएको छु । व्यक्तिको फिडब्याक र रेस्पोन्स छ, त्यो वास्तवमै प्रेरणादायी र स्मरणीय थियो ।’
जेटल्यागले आफू निकै थकित भएको बेला काठमाडौं अवतरण गरेको स्मरण गर्दै उनले भने, ‘म निकै थकित थिएँ, जेटल्याग भएको थियो । मसँग सुत्नको लागि एक घण्टा पनि थिएन । विमान अवतरण हुने बित्तिकै हामी सिधै भेन्युमा पुगेका थियौं ।’
उनले सम्झिए, ‘मैले यस्तो भीड देखें, जो खुसीले उफ्रिंदै आएका थिए । ३०-३५ हजार मान्छे भेला भएका थिए ।’
पाश्र्वगायक अतिफले उर्दूसहित हिन्दी, बंगाली र पञ्जाबी भाषामा समेत गीत गाएका छन् । ‘भोकल बेल्टिङ’ शैलीमा गाउने गायकको रुपमा उनी चर्चित छन् । सन् २०११ मा उनले उर्दू भाषाको फिल्म ‘बोल’मा समेत अभिनय गरेका थिए ।
नेपालमा असलमको संगीतलाई पछ्याउने फ्यानको संख्या निकै उच्च छ ।
By
By
