सिटामोल नपाएको बिरामी गुनासो, अभाव नभएको स्वास्थ्य मन्त्रालयको दाबी

काठमाडौं, १४ असोज।
स्वास्थ्य तथा जनसंख्या मन्त्रालयले देशभर डेङ्गी फैलिएको र बिरामीले सिटामोल नपाएको गुनासो गरिरहँदा अभाव नभएको जनाएको छ । पारासिटामोलको अभाव नभएको र काठमाण्डौ उपत्यकाका सरकारी अस्पतालमा पारासिटामोल निःशुल्क वितरण गरिएको मन्त्रालयले जानकारी दिएको छ ।

विभिन्न औषधि तथा भण्डारण केन्द्रहरुमा औषधि भण्डारण गरी राखिएको र आवश्यकता अनुसार आपूर्तिको व्यवस्था मिलाइएको र निजी स्वास्थ्य संस्था, फार्मेसी, औषधि उद्योगलाई पारासिटामोलको उत्पादन र आपूर्ति व्यवस्था सहज बनाउन सहजीकरण पनि भइरहेको मन्त्रालयले निकालेको विज्ञप्तिमा उल्लेख गरिएको छ ।