स्विजरल्याण्ड, उईन्दिस ।
नेपाली पोर्चुगीस् महिला समूह बुरुग् द्वारा यस वर्ष पनि हरितालिका तीजको अवसरमा सामूहिक दर खाने कार्यक्रम भव्यतापूर्वक सम्पन्न भएको छ। कार्यक्रममा स्विजरल्याण्डमा बसोबास गर्ने नेपाली दिदीबहिनी तथा विदेशी महिलाहरूको समेत उल्लेखनीय सहभागिता रहेको थियो।
कार्यक्रमका प्रमुख सह–आयोजक समाजसेवी तथा उद्यमी उस्मिता थापा हुनुहुन्थ्यो। उहाँ विगत केही वर्षदेखि स्विजरल्याण्डमा बसोबास गर्दै आउनुभएको छ। उहाँले परदेशमा रहेका नेपाली समुदायबीच आपसी सम्बन्ध मजबुत बनाउन र नेपाली कला, संस्कृतिको संरक्षण एवं प्रवर्द्धन गर्ने उद्देश्यले यस्तो सांस्कृतिक कार्यक्रम निरन्तर आयोजना हुँदै आएको जानकारी दिनुभयो।
दर खाने कार्यक्रमले नेपाली दिदीबहिनीबीच खुसी, मनोरञ्जन र एकताको माहोल सिर्जना मात्र नगरी नेपाली संस्कृति र परम्परालाई अन्तर्राष्ट्रिय स्तरमा उजागर गर्न महत्त्वपूर्ण योगदान पुर्याएको आयोजक समूहको भनाइ छ।
By
By
By
By
