काठमाडौं । मंसिर १५ गते
सरकारमा रहेका पाँच दलीय गठबन्धन आउँदो चुनावसम्म जाने ऊर्जा, जलस्रोत तथा सिँचाइमन्त्री पम्फा भुसालले बताउनु भएको छ ।आज नेकपा माओवादी केन्द्र दोर्दी गाउँपालिका लमजुङको प्रथम पालिका अधिवेशन घोषणा सभालाई सम्बोधन गर्दै मन्त्री भुसालले यस्तो बताउनु भएको हो ।उहाँले राष्ट्रियता, संविधान र नागरिकको सङ्घीय लोकतान्त्रिक गणतन्त्रको रक्षाका लागि पाँच दलीय गठबन्धन बनाइएको बताउँनु भएको छ ।
क्रान्तिको खतरा हुँदासम्म परिवर्तनका शक्तिहरूले राष्ट्रियता, संविधान र सङ्घीय लोकतान्त्रिक गणतन्त्रको रक्षाका निम्ति सहमति गरेको र पाँच दलीय गठबन्धनको सरकार रहेको जिकिर गर्नुु भएको छ ।
उहाँले अहिले केन्द्र र सात वटै प्रदेशमा गठबन्धनको सरकार रहेको तर्क गर्नु भएको छ । आवश्यक पर्दा आउँदो चुनावसम्म गठबन्धन मोर्चा बनाएर अघि जाने सोचमा रहेको उहाँले बताउनुभयो ।
‘ठूलो मूल्य चुकाएर ल्याएको नेपालको परिवर्तन रक्षा र त्यसका अगाडि आउन सक्ने प्रतिगमन, प्रति क्रान्तिलाई पराजित गर्न त्यो आवश्यकता महसुस गरिएको र सहकार्यद्वारा अघि बढ्ने गठबन्धनको प्रतिबद्धता रहेको छ’, उहाँले भन्नुभयो ।
By
By
By
