८ देशका १४ युवा सहभागी अन्तर्राष्ट्रिय युवा आदान–प्रदान क्याम्प सुरु
काठमाडौं । लायन्स इन्टरनेशनल डिस्ट्रिक्ट ३२५ पी नेपालको आयोजनामा International Youth Exchange Camp Nepal 2026 सुरु भएको छ। काठमाडौंस्थित होटल रोयल एयरपोर्टमा आयोजित उद्घाटन कार्यक्रममा विभिन्न देशबाट आएका युवा प्रतिनिधिहरूको सहभागिता रहेको थियो।
क्याम्पमा ८ देशका १४ जना युवा सहभागी भएका छन्। नेपालसहित विभिन्न देशका युवाबीच संस्कृति, अनुभव, नेतृत्व विकास तथा अन्तर्राष्ट्रिय सम्बन्ध आदान–प्रदान गर्ने उद्देश्यले कार्यक्रम आयोजना गरिएको हो।
कार्यक्रममा सगुन ढक्वा नेपालका लागि International Youth Exchange Camp Chairperson को भूमिकामा रहेका छन्। उनको नेतृत्व तथा समन्वयमा नेपालमा सहभागी विदेशी युवा प्रतिनिधिहरूलाई नेपाली संस्कृति, पर्यटन, सामाजिक गतिविधि तथा लायन्सको सेवामूलक अभियानसँग परिचित गराउने कार्यक्रमहरू सञ्चालन गरिने आयोजकले जनाएको छ।
क्याम्पका क्रममा सहभागी युवाहरूले नेपालका विभिन्न सांस्कृतिक तथा पर्यटकीय क्षेत्रको भ्रमण गर्नुका साथै स्थानीय संस्कृति, कला, परम्परा र नेपाली समाजबारे प्रत्यक्ष अनुभव हासिल गर्नेछन्।
लायन्स इन्टरनेशनलको युवा आदान–प्रदान कार्यक्रमले विभिन्न देशका युवाबीच मित्रता, सांस्कृतिक समझदारी र नेतृत्व क्षमताको विकासमा सहयोग पुर्याउँदै आएको आयोजकको भनाइ छ।
By
By