वीरगंजका निषेधाज्ञा जारी, भेला–जुलुस पूर्ण प्रतिबन्ध
By Birgunj
३ महिना अगाडि
Comments: 0
वीरगंज – जिल्ला प्रशासन कार्यालय पर्साले वीरगंज महानगरपालिकाका संवेदनशील क्षेत्रहरूमा निषेधाज्ञा जारी गरेको छ । प्रमुख जिल्ला अधिकारी भोला दाहालद्वारा जारी आदेशअनुसार जिल्ला सुरक्षा समितिको निर्णयका आधारमा मिति २०८२/०९/२१ गते दिउँसो १:०० बजेदेखि अर्को आदेश नभएसम्म निषेधाज्ञा लागू हुनेछ।
स्थानीय प्रशासन ऐन, २०२८ को दफा ६ (३क) बमोजिम जारी गरिएको उक्त आदेशअनुसार तोकिएका क्षेत्रमा कुनै किसिमको भेला, सभा, जुलुस तथा प्रदर्शन गर्न पूर्ण रूपमा निषेध गरिएको छ।
वीरगंजकाे पूर्वतर्फ बसपार्क, पश्चिमतर्फ सिर्सिया पुल, उत्तरतर्फ पावर हाउस चौक र दक्षिणतर्फ शंकराचार्य गेटसम्म निषेधाज्ञा लागू हुने छ । वीरगंजमा आइतबारदेखि दुई समुदायकाे प्रदर्शन उग्र रुप लिएपछि प्रमुख जिल्ला अधिकारी दाहालद्वारा निषेधाज्ञा जारी गरिएकाे हाे ।
जिल्ला प्रशासनले निषेधाज्ञा आदेशको उल्लंघन गर्ने जो–कोहीलाई नियन्त्रणमा लिई कानून बमोजिम कारबाही गरिने स्पष्ट चेतावनी समेत दिएको छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
