रुसी राष्ट्रपति पुटिन युक्रेनमाथि सैन्य आक्रमण गर्नेमा निश्चित रहेको अमेरिकी बाइडेनको भनाई

काठमाडौं । फगुन ७ गते
रुसी राष्ट्रपति भ्लादिमिर पुटिन युक्रेनमाथि सैन्य आक्रमण गर्नेमा निश्चित रहेको अमेरिकी राष्ट्रपति जो बाइडेनले बताएका छन् ।रुसले युक्रेनमाथि आक्रमण गर्नेमा आफू विश्वस्थ रहेको र त्यो आक्रमण आउँदा केही दिनभित्रै हुन सक्ने भन्दै बाइडेनले सचेत गराएका हुन् ।अमेरिकी गुप्तचर निकायले गरेको विश्लेषण अनुसार रुसले युक्रेनको राजधानी कियभलाई निशाना बनाउने सम्भावना रहेको बाइडेनले बताएका छन् ।

रुसले युक्रेनमाथि आक्रमणको योजना नरहेको दाबी गर्दै आएको छ।अमेरिकासहितका पश्चिमा देशले रुसले युक्रेनमा आक्रमणको बहाना बनाउनका लागि आफैले भ्रामक परिस्थिति सिर्जना गर्ने डर रहेको बताएका छन् ।आफ्नो आक्रमणलाई तर्क संगत बनाउनका लागि रुस आफैले नियोजित घटनाक्रम सिर्जना गर्न सक्ने पश्चिमा देशको चिन्ता छ ।