काठमाडौं, २६ भदौ २०८३— लायन्स इन्टरनेशनल डिस्ट्रिक्ट ३२५ पी नेपालको आयोजनामा **‘International Youth Exchange Camp Nepal 2026’** सुरु भएको छ। काठमाडौंस्थित होटल रोयल एयरपोर्टमा आयोजित उद्घाटन समारोहमा **राष्ट्रिय तथा अन्तर्राष्ट्रिय गरी ५१ जना अतिथि तथा सहभागी**को उपस्थिति रहेको छ।
कार्यक्रममा काठमाडौं महानगरपालिकाकी प्रमुख **सुनिता डंगोल** प्रमुख अतिथिका रूपमा सहभागी भएकी छन्। कार्यक्रममा लायन्स इन्टरनेशनल डिस्ट्रिक्ट ३२५ पी नेपालका **डिस्ट्रिक्ट गभर्नर सन्दीप कौसदान** लगायत लायन्सका विभिन्न पदाधिकारी, सदस्य तथा राष्ट्रिय–अन्तर्राष्ट्रिय अतिथिहरूको सहभागिता रहेको छ।
१० दिनसम्म सञ्चालन हुने कार्यक्रममा विभिन्न देशबाट आएका विदेशी युवा तथा प्रतिनिधिहरूले नेपालको **कला, संस्कृति, परम्परा, इतिहास र पर्यटन**लाई नजिकबाट बुझ्ने अवसर पाउनेछन्। साथै सहभागी नेपाली युवासँग विभिन्न देशका युवाबीच संस्कृति, अनुभव र विचार आदान–प्रदान गरिनेछ।
कार्यक्रमको उद्देश्य अन्तर्राष्ट्रिय युवा मैत्री विस्तार गर्नुका साथै विदेशी युवालाई नेपालको मौलिक पहिचान र सांस्कृतिक विविधतासँग परिचित गराउनु रहेको आयोजकले जनाएको छ।
लायन्स इन्टरनेशनल डिस्ट्रिक्ट ३२५ पी नेपालको नेतृत्वमा आयोजना भएको कार्यक्रमले नेपाल र विभिन्न मुलुकका युवाबीच आपसी सम्बन्ध तथा सांस्कृतिक सहकार्यलाई थप बलियो बनाउने अपेक्षा गरिएको छ।
By
By
