ताजा समाचार

मुर्ली १२ का ३ सय १५ जना स्थानीय आज तीर्थ यात्राको लागी देवघाट प्रस्थान गरेका छन् ।

वीरगन्ज महानगरपालिका वडा नम्बर १२ का ३ सय १५ जना स्थानीय आज तीर्थ यात्राको लागी देवघाट प्रस्थान गरेका छन् । वीरगञ्जको पशुपतिनाथ मन्दिर र मुर्ली स्थित हरिहरनाथ मन्दिरको पहिचान र महिमा बढाउन देवघाटबाट जल ल्याएर अपर्ण गर्ने उदेश्यले स्थानियहरु त्यस्तर्फ प्रस्थान गरेका हुन् । वडा अध्यक्ष सुरेश प्रसाद गुप्ताले आफ्नो निजी खर्चमा स्थानीयहरुलाई देवघाट दर्शनका लागी जाने व्यवस्था मिलाउनु भएको हो । देवघाट जाने ईच्छा हुँदाहुँदै पनि आर्थिक अभावले कतिपय जान नपाएका स्थानीयलाई आफुले धार्मिक स्थल देवघाट जाने आवश्यक सबै व्यवस्था मिलाएर पठाएको गुप्ताले बताउनुभयो । तिर्थ यात्राका लागी ८ वटा बसको व्यवस्था मिलाइएको वडा अध्यक्ष सुरेश गुप्ताले बताउनुभयो । उहाँहरु देवघाट पुगेर त्यहाँबाट जल लिएर आजै वीरगन्ज फर्किनुहुने तालिका रहेको गुप्ताले बताउनुभयो । देवघाटबाट जलबोझी काँवरिया लिएर आउने तिर्थालुहरुलाई आज वीरगन्जमै बासको व्यवस्था मिलाइएको र भोली साउने सोमबारको दिन पहिले वीरगन्जको चिनिमिल आवासक्षेत्र स्थित पशुपतिनाथ मन्दिरमा जल अर्पण गर्ने र त्यसपछि वीरगन्जको मूर्ली स्थित हरिहरनाथ मन्दिरमा जल अर्पण गर्ने कार्यक्रम रहेको समाजिक युवा एकता क्लब मूर्लीका अध्यक्ष मण्डलले बताउनुभयो । अहिले साउन महिनाको पावन अवसरमा हरेक सोमबार वीरगञ्जको पशुपतिनाथ मन्दिरमा दर्शनका लागी शिवभक्तहरुको ठुलो भिड लाग्ने गरेको छ । तिर्थ यात्रामा रहेका तिर्थालुहरुले वडा अध्यक्ष गुप्ताको यस कदमको प्रसंशा गर्दै खुशी व्यक्त गरेका छन् ।