काठमाडौं । नेपाली सञ्चार तथा मनोरञ्जन क्षेत्रमा परिचित नाम बनेकी साक्षी लम्सालले पत्रकारिता, टेलिभिजन प्रस्तुति र मोडलिङमार्फत आफ्नो छुट्टै पहिचान स्थापित गरेकी छन्।
साक्षीले विभिन्न राष्ट्रिय टेलिभिजनहरूमा प्रस्तोताको भूमिका निर्वाह गर्दै दर्शकमाझ लोकप्रियता हासिल गरेकी थिइन्। उनले जनता टेलिभिजन एचडीमा प्रस्तोताको रूपमा काम गरेपछि कान्तिपुर टिभी एचडीमा समेत आफ्नो क्षमता प्रदर्शन गरेकी थिइन्। त्यसपछि ‘राजपाट’ कार्यक्रममा प्रस्तोताका रूपमा समेत सक्रिय रहँदै सञ्चार क्षेत्रमा आफ्नो प्रभाव विस्तार गरिन्।
हाल उनी डिजिटल मिडिया र मोडलिङ क्षेत्रमा उत्तिकै सक्रिय देखिएकी छन्। सामाजिक सञ्जालमा ठूलो प्रशंसक वर्ग बनाएकी साक्षी विभिन्न ब्रान्डहरूको प्रवर्द्धन तथा विज्ञापन अभियानमा संलग्न रहँदै आएकी छन्। उनी हाल IME Pay की ब्रान्ड एम्बासडर इन्फ्लुएन्सरका रूपमा कार्यरत छिन्।
मिडिया क्षेत्रमा लामो अनुभव बटुलेकी साक्षीले आफ्नो व्यक्तित्व, प्रस्तुति कला र आकर्षक शैलीका कारण युवा पुस्तामाझ विशेष लोकप्रियता हासिल गरेकी छन्। टेलिभिजन प्रस्तोतादेखि मोडलिङ र डिजिटल प्रभावकारसम्मको उनको यात्रा नेपाली युवाका लागि प्रेरणादायी बनेको छ।
साक्षी लम्सालले आगामी दिनमा पनि सञ्चार तथा मनोरञ्जन क्षेत्रमार्फत नयाँ उचाइ हासिल गर्ने अपेक्षा गरिएको छ।
हालै बैंकक, थाइल्याण्डस्थित संयुक्त राष्ट्र संघको सम्मेलन केन्द्र (UN ESCAP) मा सम्पन्न पाँचौं अन्तर्राष्ट्रिय युवा फोरम (IYF2025) मा होस्ट को भूमिका निर्वाह गरेकी हुन्।
६२ देशका ५०० भन्दा बढी प्रतिनिधि सहभागी उक्त फोरममा जलवायु परिवर्तन, नैतिक कृत्रिम बुद्धिमत्ता, लैङ्गिक समानता तथा समावेशी शासनका विषयमा छलफल गरिएको थियो। नेपालबाट २२ जना युवा प्रतिनिधिहरू सहभागी भएको कार्यक्रममा साक्षीले अन्तर्राष्ट्रिय अतिथि, युवा प्रतिनिधि तथा उच्चस्तरीय वक्ताहरूबीच कार्यक्रम सञ्चालन गर्दै नेपालको क्षमता र प्रतिभालाई विश्वसामु प्रस्तुत गरिन्!
By
By
