ताजा समाचार

पर्सा, १७ कात्तिक / पर्सा जिल्लाको निर्वाचन क्षेत्र नम्बर १ बाट स्वतन्त्र उम्मेदवारी दिनु भएका अजय द्विवेदीले मंसिर ४ गते जनताको जित हुने बताउनु भएको छ । प्रतिनिधि सभा सदस्यमा उम्मेदवारी दिनु भएका द्विवेदीले मंसिर ४ गते हुन गइरहेको प्रतिनिधि तथा प्रदेश सभा सदस्यको निर्वाचनमा जनताको जित हुने बताउनु भएको हो ।
स्वतन्त्र उम्मेदवारी दिनु भएका अजय द्विवेदीले जनता बिना कुनै नेता, जनता बिना कुनै कुसी, जनता बिना कुनै राजनीति हुनै नसक्ने भएकोले मंसिर ४ गते हुन गइरहेको निर्वाचनमा जनताले चाहे बमोजिम उम्मेदवार निर्वाचित हुने बताउनु भयो । उहाले आफ्नो उम्मेदवारी जनताकै लागि भएकोले जनता आफ्नो पक्षमा रहेको बताउनु भयो । निर्वाचन क्षेत्र नम्बर १ मा लोकप्रिय नेताको रुपमा मानिने अजय द्विवेदीले राजनीति केही भ्रष्ट व्यक्तिले गर्दा बदनाम भएको बताउनु भयो । राजनीति जनताको सेवाको लागि गरिने हो तर केही व्यक्तिले निर्वाचित भएर त्यही राजनीतिलाई भ्रष्टाचार, गुन्डागर्दीमा परिणत गर्न बेर पनि लगाउदैन्न, उनले भने ।
जनताको मतबाट जितेर जानेहरु जनता संगै रुखो व्यहार, जनता माथि नै गुन्डागर्दी, जनता माथि नै आफ्नो राजनीतिक साधि भ्रष्टाचारलाई बढावा दिने गरेको कारण राजनीति बदनाम हुने गरेको, उनले बताए । प्रतिनिधि तथा प्रदेश सभाको निर्वाचनमा जनताले चाहेरै भ्रष्टाचारको बिरुद्ध, गुन्डागर्दीको बिरुद्ध आफुले उम्मेदवारी दिएको स्वतन्त्र उम्मेदवार द्विवेदीले बताए । यसपालिको हुने निर्वाचनमा जनताले, जनताको मर्म, दुख, पिडा बुझ्ने नेतालाई नै नृतृत्व दिने विश्वास लिएको व्यक्त गर्नुभयो ।

You Might Also Like

आज हरिबोधिनी एकादशी, तुलसीको विवाह गरी मनाइँदै

४ वर्ष अगाडि

६ वर्षीया नाबालिकालाई करणी आरोपमा एक जना पक्राउ

४ वर्ष अगाडि