प्रिया प्रकाशको आँखा झिम्काउने दृश्य विवादमा
By YOUTV
११ महिना अगाडि
Comments: 0
मुम्बई, २६ जेठ । साउथकी प्रख्यात अभिनेत्री प्रिया प्रकाश वारियर सन् २०१८ मा फिल्म ‘ओरु अदार लभ’मा रहेको ‘आँखा झिम्काउने’ दृश्यबाट रातारात चर्चित बनेकी थिइन् ।
त्यो समयमा उनलाई ‘विंक गर्ल’ समेत भनिएको थियो । त्यो बेला यो दृश्यले उनले जति सनसनी मच्चाएकी थिइन्, अहिले यही दृश्यका कारण विवादमा तानिएकी छन् ।
प्रियाले अहिले आएर त्यो दृश्यको अवधारणा आफूले निकालेको दाबी गरेकी छन् । ‘मैले त्यो दृश्यको अवधारणाबारे निर्देशकलाई जानकारी गराएको थिएँ’, उनले भनेकी छन् ।
प्रियाको दाबीमा फिल्मका निर्देशक ओमर लुलुले आपत्ति जनाएका छन् । उनले सामाजिक सञ्जालमा प्रियालाई मजाकको पात्र बनाएका छन् । उनले स्मरण शक्ति बढाउने औषधि खान सुझाव पनि दिएका छन् ।
‘बिचरा बच्चाले ५ वर्षपछि बिर्सिएछ । यो आयुर्वेदिक औषधि स्मरण शक्ति गुमाउनेका लागि उपयुक्त हुन्छ’, उनले ट्वीटरमा एक आयुर्वेदिक औषधिको तस्वीर राख्दै लेखेका छन् ।
११ महिना अगाडि
ताजा समाचार, प्रवास, बागमती प्रदेश, लेख-बिचार, लोकप्रिय, समाचार
चन्दा उठाएर बनाइयो कलात्मक मन्दिर ७ महिना अगाडि
