वीरगञ्ज – निजी तथा आवासीय विद्यालय सङ्गठन (प्याब्सन) वीरगञ्जको आयोजनामा दोस्रो संस्करणको ‘प्याब्सन गर्ल्स एन्ड जुनियर बोएज टी–१० नकआउट क्रिकेट टुर्नामेन्ट’ अन्तर्गत बिहीबार चार खेल सम्पन्न भएका छन् ।
वीरगञ्जस्थित आदर्शनगर रङ्गशालामा सञ्चालन भइरहेको प्रतियोगिताको पहिलो खेलमा लिटल फ्लावर स्कूलले गोल्डेन फ्युचर स्कूललाई पराजित गर्दै विजयी सुरुवात गरेको छ । ८ ओभरमा खेलाइएको खेलमा गोल्डेन फ्युचरले दिएको २३ रनको लक्ष्य लिटल फ्लावरले २५ रन बनाउँदै पूरा गर्यो ।
दोस्रो खेलमा विकन स्कूलले प्रस्तुत गरेको ४९ रनको लक्ष्य सेन्ट जेभियर विद्यालयले ५० रन बनाएर सफलतापूर्वक पछ्याउँदै जीत हात पारेको छ । तेस्रो खेलमा नवदीप स्कूलले दिएको ३८ रनको लक्ष्य ज्ञान वाटिका विद्यालयले पछ्याउँदै प्रतियोगितामा आफ्नो स्थान सुरक्षित गरेको छ ।
त्यसैगरी अन्तिम खेलमा कालिकामाई स्कूलले चिल्ड्रेन वर्ल्डलाई पराजित गर्दै जित निकालेको छ ।
विद्यालयस्तरका छात्रा तथा जुनियर छात्रलाई लक्षित गरी आयोजना गरिएको उक्त प्रतियोगिताले विद्यार्थीहरूमा खेलकुद प्रतिभा विकास गर्न सहयोग पुग्ने आयोजकहरूको भनाइ छ । दर्शक तथा स्थानीयवासीहरूले यस्ता खेलकुद प्रतियोगिता भविष्यमा पनि निरन्तर आयोजना हुनुपर्ने आवश्यकता औँल्याएका छन् ।
By
By
By
