पार्टी विभाजनमा आफू दोषी भएकाले आत्मालोचना गर्ने कमल थापाको जिकिर

काठमाडौं । मंसिर १५ गते
चार वर्षअघि पार्टी तीन टुक्रामा विभाजन हुनुमा आफू नैतिक जिम्मेवार भएको राष्ट्रिय प्रजातन्त्र पार्टी (राप्रपा)का अध्यक्ष कमल थापाले बताएका छन् ।

उनले जे कारण भए पनि आफू त्यतातर्फ नजाने भन्दै पार्टी विभाजनमा आफू दोषी भएकाले आत्मालोचना गर्ने बताए । उनले कार्यकर्तामाझ माफी पनि मागेका छन् ।उनले एकता महाधिवेशन गर्न सफल भएकोमा गर्व लागेको पनि बताए ।

पार्टी योभन्दा तल र कमजोर हुने ठाउँ नभएको भन्दै उनले अब पार्टी बलियो बन्दै जाने दाबी गरे ।सहमति र एकताका साथ नेतृत्व चयन गर्न पनि उनले आग्रह गरे । अब पार्टी कहिल्यै विभाजन नहुने जिकिर समेत गरे ।