वीरगंज — पर्सा क्षेत्र नम्बर ३ मा रुपेश पाण्डेको राजनीतिक सक्रियता तीव्र बन्दै गएको छ। प्रतिनिधि सभा सदस्यमा चुनाव लड्ने तयारीसहित पाण्डे पछिल्लो तीन वर्षदेखि गृहक्षेत्रमा निरन्तर जनसम्पर्क, गृहकार्य र सामाजिक अभियानमा संलग्न रहँदै आएका छन्। चुनाव नजिकिँदै जाँदा उनले शुभेच्छुक र मतदातासँगको भेटघाटलाई अझै गतिशील बनाएका छन्।
विद्यार्थी जीवनदेखि नै सामाजिक सेवा र राजनीतिप्रति रुचि राख्दै आएका पाण्डे करिब दुई दशकदेखि देश–विदेशका विभिन्न शहरमा व्यापार व्यवसाय सञ्चालन गर्दै आएका छन्। व्यवसायिक जीवनमै रहँदा विपन्न, दलित, असहाय तथा पीडित परिवारलाई सहयोग गर्दै आएका पाण्डेप्रति स्थानीयको विश्वास बढ्दो रहेको अगुवाहरू बताउँछन्।
पकहामैनपुर–२ निवासी पाण्डे नेकपा एमाले वा नेपाली कांग्रेसमध्ये कुनै एकबाट टिकट पाउने सम्भावना रहेको चर्चा छ, तर उनले अहिलेसम्म आधिकारिक रूपमा आफ्नो पार्टी स्पष्ट पारेका छैनन्। नेकपाका नेता माधव नेपालसँग निकटताका कारण नेकपाबाट पनि प्रतिस्पर्धामा आउने सम्भावना स्थानियले औंल्याएका छन्।
स्थानीयका अनुसार “हुनै बिरुवाको चिल्लो पात” जस्तै पाण्डेको प्रभाव क्षेत्र बढ्दै गएपछि प्रतिस्पर्धी नेताहरू चिन्तित बनेका छन्। सादा, हँसिलो र निडर स्वभावका पाण्डे आगामी प्रतिनिधिसभा चुनावमा प्रतिस्पर्धा गर्ने लगभग पक्का भएको बताइन्छ।
By
By
