पर्सा निर्वाचन क्षेत्र नं. १ को क बाट स्वतन्त्र उम्मेदवारी दिएका सुधिर पटेल जनतामाझ पुगेर आफ्नो पक्षमा मतदान गर्न अपिल

पर्सा / मंसीर ४ गते हुन लागेको निर्वाचनमा प्रदेश सभा सदस्य पदका लागि पर्सा निर्वाचन क्षेत्र नं. १ को क बाट स्वतन्त्र उम्मेदवारी दिएका सुधिर पटेल जनतामाझ पुगेर आफ्नो पक्षमा मतदान गर्न अपिल गरिरहेका छन् । दैनिक मतदाताहरुसंगको भेटघाटले उनिप्रति जनलहर बढेको देखिएको छ ।
उम्मेदवारी दिएको दिन देखिनै आफ्नो क्षेत्रका समस्याहरु बुझ्न प्रायः दिनहुं जनताको घरदैलो पुग्ने सुधिर पटेल आज महानगरपालिकाको वडा नं. १८ को सुखचैना पुगेका छन् । त्यहां पुगेर मतदाताहरुसंग भलाकुसारी गर्दै घरदैलोकोे क्रममा उनले समाज र देशलाई बिकाश तर्फ लग्न आफ्नो जीत आवश्यक रहेको भन्दै रिक्सा छापमा मतदान गर्न मतदाताहरुलाई आग्रह गरेका छन् ।
हिजो सबैठवा र आज सुखचैना पुगेका सुधिरलाई मतदाताहरुले समेत स्वागत गर्नुका साथै अहिलेको परिस्थितीमा परिवर्तन अपरिहार्य रहेको बताउंदै आउने निर्वाचनमा रिक्सा छापमै मतदान गर्ने आश्वासन दिएका छन् ।