धादिङको गल्छी गाउँपालिकामा बस दुर्घटना हुँदा ३१ जना घाइते

काठमाडौं । असार १७ गते
आज बिहान धादिङमा बस दुर्घटना हुँदा ३१ जना घाइते भएका छन् । पृथ्वी राजमार्ग अन्तर्गत धादिङको गल्छी गाउँपालिका–६ मा बस दुर्घटना हुँदा ३१ जना घाइते भएका हुन ।काठमाडौंबाट रौतहट जाँदै गरेको प्रदेश ३–०१–००५ ख ९७२९ नम्बरको बस दुर्घटनामा परेको हो ।खाल्डाखुल्डीका कारण बस पल्टिएको प्रहरीको अनुमान छ ।

दुर्घटनामा घाइते भएकाहरुमध्ये सात जनालाई काठमाडौंको ट्रमा सेन्टरमा ल्याइएको छ । अन्यको गल्छी र आदमघाट अस्पतालमा उपचार भइरहेको इलाका प्रहरी कार्यालय गजुरीले जनाएको छ ।