दार्चुलाको घुसा आसपास ४.६ रेक्टर स्केलको भूकम्प, क्षति विवरण आउन बाँकी

आज बिहान ८:२८ बजे दार्चुला जिल्लाको अपिहिमाल गाउँपालिकास्थित घुसा केन्द्रबिन्दु भएर भूकम्प गएको छ।

सुर्खेतस्थित भूकम्प मापन केन्द्रका प्रमुख चिन्तन तिमिल्सिनाले राष्ट्रिय समाचार समिति (रासस) लाई दिएको जानकारीअनुसार भूकम्पको तीव्रता ४.६ रेक्टर स्केल मापन गरिएको छ।

भूकम्पको धक्का दार्चुला, बैतडीसहित आसपासका जिल्लाहरूमा समेत महसुस भएको थियो।

यद्यपि, हालसम्म यस भूकम्पबाट कुनै पनि मानवीय वा भौतिक क्षतिको विवरण आइनसकेको सम्बन्धित निकायले जनाएका छन्। क्षति विवरणबारे थप जानकारी आउन बाँकी रहेको छ।