त्रिविका करार प्राध्यापकलाई स्थायी गराउने निर्णय खारेज गर्न संयुक्त विद्यार्थी संगठनको अपिल
By YOUTV
४ वर्ष अगाडि
Comments: 0
काठमाडौं । मंसिर १६ गते
संयुक्त विद्यार्थी संगठनले त्रिभुवन विश्वविद्यालयका करार प्राध्यापकलाई स्थायी गराउने निर्णय तत्काल खारेज गर्न माग गरेको छ । सत्तारूढ गठबन्धनमा आबद्धसहित विभिन्न ६ वटा विद्यार्थी संगठनहरूले एक विज्ञप्ति जारी गर्दै करार प्राध्यापकलाई स्थायी गराउने निर्णय तत्काल खारेज गर्न माग गरेका हुन् ।
प्रधानमन्त्री निवास बालुवाटारमा १४ मंसिरमा बसेको त्रिवि सभा बैठकले १० वर्षदेखि करारमा रहेका प्राध्यापक र कर्मचारीलाई स्थायी गराउने निर्णय गरेको थियो । त्रिवि सेवा आयोगको विधानलाई पाखा लगाउँदै त्रिवि र राज्यलाई झण्डै १ अर्ब ५ करोड बढी व्ययभार पर्नेगरी गरिएको निर्णय तत्काल खारेज गर्न माग गरिएको हो ।
अखिल क्रान्तिकारीका अध्यक्ष पञ्चा सिंह, अनेरास्ववियुकी महासचिव आरती लामा, समाजवादी विद्यार्थी युनियनका अध्यक्ष रूपनाराययण श्रेष्ठ, अखिल क्रान्तिकारीका अध्यक्ष हरिकृष्ण गजुरेल, अखिल क्रान्तिकारीका अध्यक्ष प्रकाश शाही र अखिल छैठौंका अध्यक्ष देवेन्द्र कुँवरले संयुक्त रूपमा विज्ञप्ति जारी गर्दै निर्णय खारेज गर्न माग गरेका हुन् ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
