जनमत पार्टीले घोषणा गर्यो देशव्यापी समन्वय बैठक र प्रशिक्षण कार्यक्रम
By Birgunj
८ महिना अगाडि
Comments: 0
वीरगञ्ज – जनमत पार्टीले संगठनलाई चुस्त र क्रियाशील बनाउन देशका विभिन्न जिल्लामा राष्ट्रिय परिषद् समन्वय बैठक तथा प्रशिक्षण कार्यक्रम आयोजना गर्ने भएको छ ।
पार्टी केन्द्रीय सचिवालय समितिको निर्णयअनुसार कार्यक्रम भदौ ३० गतेदेखि असोज ५ गतेसम्म सञ्चालन हुनेछ । राष्ट्रिय परिषद् अध्यक्ष तथा संगठन विभाग प्रमुख डा. जय कान्त राउतको प्रमुख आतिथ्यमा हुने कार्यक्रममा राष्ट्रिय परिषद् सदस्य, प्रदेश सदस्य, जिल्ला इन्चार्ज, पालिका र वडास्तरका अध्यक्ष तथा सचिव सहभागी हुनेछन् ।
तालिकाअनुसार पहिलो दिन बाँके र बर्दियामा बैठक हुनेछ भने त्यसपछि कञ्चनपुर, कैलाली, नवलपरासी, रुपन्देही र कपिलवस्तुमा कार्यक्रमहरू हुनेछन् । सहभागीहरूले कम्तीमा ३ पटक बैठक गरेको माइन्यूटको फोटोकपी अनिवार्य ल्याउनुपर्ने निर्देशन दिइएको छ । पार्टीले यस अभियानमार्फत सांगठनिक संरचना थप मजबुत हुने अपेक्षा गरेको जनाएको छ ।
८ महिना अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
