काठमाडौं । जनता समाजवादी पार्टी (जसपा)का सांसद राजकिशोर यादवले धेरै सत्ता गठबन्धन फेरबदल नगर्न प्रधानमन्त्री पुष्पकमल दाहाल ‘प्रचण्ड’rajkirajलाई चेतावनी दिएका छन् ।
बुधबार प्रतिनिधिसभा बैठकमा उनले गणपूरक र प्राविधिक रूपमा बहुमत पुर्याउन प्रधानमन्त्रीलाई विशवासको मत दिन आफूहरू तयार भएको बताए । तर, सधैँ बढी खेल्ने काम राम्रो नहुने उनले उल्लेख गरे ।
“इतिहास रच्ने अन्तिम क्षण हो । धेरै प्रयोग गर्ने मान्छे हुुनुहुन्छ, इनफ इज इनफ होला, त्यसो नगर्नु होला,” उनले भने ।
अघिल्लोपटक विश्वासको मत माग्दा प्रधानमन्त्रीमा जति दृढ, विश्वास, ओज देखिएको थियो, यसपटक नदेखिएको उनको भनाइ छ । उनले ‘आठबुँदे सम्झौता किन सात बुँदामा झारेको ?’ भनी प्रश्न गरे ।
उनले ‘सरकार बनेको हप्ता दिनभित्र तीन प्रमुख पद लिँदा मधेसको प्रतिनिधित्व खोइ ?’ भनी थप प्रश्न गरे । उनले भविष्य सधैँ एकै नहुने भन्दै यसरी गए हिसाब खोज्ने र त्यो अप्रिय हुन सक्ने चेतावनी दिए ।
सांसद यादवले अरू देशमा गठबन्धनमा आबद्ध दलका कारण सहकार्य तलमाथि पर्ने भए पनि नेपालमा प्रधानमन्त्री आफैँले ‘चहलपहल’ गर्ने अचम्मको अवस्था देखिएको टिप्पणी गरे ।
“चुनाव भएको १५ महिनाभित्रको तेस्रोपल्ट रोस्ट्रममा उभिएर विश्वासको मत माग्नुभएको छ । सहयात्रीहरू फेरिएको छ, तर प्रधानमन्त्रीचाहिँ विश्वासको मत पाउनुभएको छ,” उनले भने, “यहाँको कार्यकाल लामो कति होला, म यकिनसाथ भन्न सक्दिनँ । तर, आयु तपाईंकै हातमा छ । जनयुद्ध लडेको, अहिले उथलपुथल गर्दिन्छु भन्नुहुन्छ । सहयात्रीलाई थाहै हुँदैन । अरू देशमा सहयात्रीका कारण गठबन्धन धरापमा पर्छ, यहाँ त प्रधानमन्त्रीको कारण । त्यसैले यहाँको हातमा छ ।”
Source :- Bk
By
By
