खानेपानी मन्त्रीलाई फोनमा धम्की दिने किरण साह ५ हजार धरौटीमा रिहा
By Birgunj
८ महिना अगाडि
Comments: 0
वीरगंज – खानेपानी मन्त्री प्रदीप यादवलाई फोनमार्फत ज्यान मार्ने धम्की दिने बारा सिस्वा महेशपुरीकी किरण साहलाई पर्सा जिल्ला अदालतले ५ हजार धरौटीमा रिहा गरेको छ।
जिल्ला न्यायाधीश कमलकान्त जोशीको इजलासले बिहीबार धरौटीमा रिहा गर्ने आदेश दिएको हो। गत शनिबार पक्राउ परेकी साहलाई प्रहरीको म्याद थप गर्दै अनुसन्धान भइरहेको थियो। अनुसन्धान पूरा भएपछि बुधबार प्रहरीद्वारा फाइल सरकारी वकिल कार्यालयमा बुझाइएको थियो।
हैजा प्रकोप फैलिएको बेला वीरगंज मुर्लीमा बसोबास गरिरहेकी साहले मन्त्री यादवलाई फोनमा धम्की दिएकी थिइन्। यस आधारमा पर्सा प्रहरीले उनलाई पक्राउ गरी मन्त्रीलाई ज्यान मार्ने धम्की, झुटा अफवाह फैलाएको र विद्युतिय कारोबारसम्बन्धी तीन मुद्दा दर्ता गरेको थियो।
यस घटनापछि मन्त्री यादवले सामाजिक सञ्जालमा पोस्ट गर्दै हैजाको समस्या र धम्की प्रकरणबारे स्पष्टिकरण दिएका थिए। उनले सचिवालयमार्फत प्रहरीले साहप्रति नरम हुन सन्देश पठाएको पनि खुलासा गरेका थिए।
८ महिना अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
