सरकारको लक्ष्य चुनाव मात्रै हो? न्याय नपाएसम्म सहभागी हुँदैनौं’: सुदन गुरुङ

गृहमन्त्री ओमप्रकाश अर्यालले निर्वाचनको तयारी तीव्र पारिरहेको बेला जेनजी प्रतिनिधि सुदन गुरुङले सरकारको नियतमाथि प्रश्न उठाउनुभएको छ।

गुरुङले बिहीबार निर्वाचन आयोगमा सञ्चारकर्मीसँग कुरा गर्दै आन्दोलनका क्रममा शहीद र घाइते भएकाहरूको माग सम्बोधन नगरी केवल चुनावलाई गन्तव्य बनाउनु धोका भएको बताउनुभयो।

• अविश्वास: उहाँले गृहमन्त्री अर्यालले जेनजीका मागहरू पूरा गर्न नसक्ने र आफूहरूलाई न्याय दिने आशा नभएको स्पष्ट पार्नुभयो।
• प्रमुख अडान: जेनजी आन्दोलनका प्रतिवद्धताहरू पूरा नभएसम्म, र शहीद तथा घाइतेहरूले न्याय नपाएसम्म २०८२ को निर्वाचनमा सहभागी नहुने उहाँले घोषणा गर्नुभयो।

गुरुङले अहिले नेपाल सरकारको मात्रै हो भन्ने गलत भाष्य निर्माण गरिएको भन्दै त्यसप्रति आपत्ति जनाउनुभयो।