रात्री बस दुर्घटना हुँदा २ जनाको मृत्यु, २ घाइते
By YOUTV
१ वर्ष अगाडि
Comments: 0
काठमाडौं । बर्दियाबाट काठमाडौँ आउँदै गरेको रात्री बस दाङमा दुर्घटना हुँदा २ जनाको मृत्यु भएको छ भने अन्य २ जना घाइते भएका छन् । प्रदेश ३, ०१००५ ख ९७१९ नम्बरको बस दाङको लमही नगरपालिका–९ रिहार नजिकै गएराति दुर्घटना भएको थियो ।
दुर्घटनामा परी बर्दियाको गेरुवा गाउँपालिका–१ का ३६ वर्षीय भीमनाथ योगी र युवराज चौधरीको मृत्यु भएको प्रहरीले जनाएको छ । बसमा सवार ४७ जनामध्ये २ जना घाइते भएको र अन्यको अवस्था भने सामान्य रहेको इलाका प्रहरी कार्यालय अमिलियाले जनाएको छ ।
मृतक दुई जनाको शव लमही अस्पतालमा राखिएको छ । बसको पट्टा भाँचिएर दुर्घटना भएको प्रहरीले जनाएको छ । यसअघि दाङको राप्ती नदीमा पुस २७ गते राति नेपालगञ्जबाट काठमाडौं आउँदै गरेको रात्रीबस दुर्घटना हुँदा १२ जनाको मृत्यु भएको थियो भने २४ जना घाइते भएका थिए ।
ताजा समाचार, प्रवास, बागमती प्रदेश, लेख-बिचार, लोकप्रिय, समाचार
चन्दा उठाएर बनाइयो कलात्मक मन्दिर १ वर्ष अगाडि
