प्रकाशको गतिमा युरोपेली मुलुकमा ओमिक्रोन भाइरस फैलिरहेको फ्रान्सका प्रधानमन्त्रीको कथन

काठमाडौं । पुष ३ गते
प्रकाशको गतिमा युरोपेली मुलुकमा ओमिक्रोन भाइरस फैलिरहेको फ्रान्सका प्रधानमन्त्री जीन कास्तेक्सले बताएका छन् ।फ्रान्सका प्रधानमन्त्री कास्तेक्सले बेलायत र अन्य युरोपेली मुलुकमा देखिरहेको ओमिक्रोन संक्रमण नयाँ वर्षको सुरुवातमा फ्रान्समा देखिने खतरा रहेको चेतावनी दिएका हुन ।

बेलायतबाट आउने यात्रुहरुलाई फ्रान्सले प्रतिवन्ध लगाएको छ। बेलायतमा सवै भन्दा बढी ओमिक्रोन संक्रमण फैलिएको छ । शुक्रबार मात्र १५ हजार जनामा ओमिक्रोन संक्रमण देखिएको बीबीसीमा समाचार छ ।जर्मनीमा समेत ओमिक्रोन फैलिन नदिन उच्च सर्तकता अपनाइएको छ ।