पूर्व कानूनमन्त्री लीला नाथ श्रेष्ठद्वारा ब्रह्माकुमारी पाठशालाको शिलान्यास, श्रेष्ठ परिवारको ५० लाख बराबरको जग्गा दान
By YOUTV Nepal
१ महिना अगाडि
Comments: 0
सिरहामा ब्रह्माकुमारी राजयोग पाठशालाका लागि श्रेष्ठ परिवारद्वारा जग्गा दान
सिरहा, गोलबजार नगरपालिका–७ निवासी केदर श्रेष्ठ, हिरालाल श्रेष्ठ, मोतिलाल श्रेष्ठ, जवाहरलाल श्रेष्ठ, तथा डा. बिषणु प्रसाद श्रेष्ठको संयुक्त नाममा रहेको करिब ५० लाख रुपैयाँ मूल्य बराबरको एक कठ्ठा निजी घडेरी ब्रह्माकुमारी राजयोग पाठशाला, चोहर्वाको निर्माणका लागि दान गरिएको छ।
शनिबार आयोजित एक विशेष समारोहमा पूर्व कानुनमन्त्री लीला नाथ श्रेष्ठ, गोलबजार नगरपालिकाका नगरप्रमुख श्याम कुमार श्रेष्ठ, ब्रह्माकुमारी राजयोग सेवा केन्द्र नेपालका निर्देशक राजयोगिनी ब्रह्माकुमारी डा. राज दादी, तथा जिल्ला समन्वय समिति सिरहाका उपसभापति दिलीप कुमार लामाले संयुक्त रूपमा पाठशालाको शिलान्यास गरे।
कार्यक्रमलाई सम्बोधन गर्दै नगरप्रमुख श्रेष्ठले समाजसेवी मोती श्रेष्ठको योगदानको प्रशंसा गर्दै शिक्षा, योग तथा आध्यात्मिक चेतनाको प्रवर्द्धनमा यस्तो कार्य महत्वपूर्ण हुने बताए। पूर्व कानुनमन्त्री श्रेष्ठले पनि समाज सुधारका लागि दान र सेवाभावको आवश्यकता रहेको उल्लेख गरे।
जग्गा दान गर्ने समाजसेवी मोती श्रेष्ठले धार्मिक, सामाजिक तथा नैतिक शिक्षाको प्रवर्द्धनका लागि यो योगदान गरेको बताए। साथै, श्रेष्ठ परिवारले विद्यालय, स्वास्थ्य चौकी, अस्पताल तथा मानव सेवा आश्रमहरूका लागि हालसम्म करिब २० करोड मूल्य बराबरको जग्गा दान गरिसकेको युवा नेता तथा श्रेष्ठ परिवारका सदस्य ज्ञान कुमार श्रेष्ठले जानकारी गराए।
ताजा समाचार, प्रवास, बागमती प्रदेश, लेख-बिचार, लोकप्रिय, समाचार
चन्दा उठाएर बनाइयो कलात्मक मन्दिर १ वर्ष अगाडि
