धरानमा निषेधाज्ञा जारी, राती १२ बजेसम्म रहने
By YOUTV
१ वर्ष अगाडि
Comments: 0
काठमाडौं, ९ भदौं । धरान नगरपालिका भित्र निषेधाज्ञा जारी राखिएको छ । धार्मिक साम्प्रदायिक हिंसा भड्किन सक्ने भन्दै स्थानीय प्रशासन (सुनसरी) ले धरान उपमहानगर क्षेत्रमा निषेधाज्ञा जारी गरेको हो ।
धरानका २० वटै वडामा शुक्रबार १२ रातिदेखि २४ घण्टाका लागि निषेधाज्ञा लागू गरिएको छ।‘धरानमा धार्मिक साम्प्रदायिक साथै जनस्वास्थ्य संकट तथा शान्ति सुरक्षाको संवेदनशीलतालाई समेत मध्यनजर गरी भदौ ८ गते राति १२ बजेदेखि भोलिपल्ट ९ गते राति १२ बजेसम्म निषेधाज्ञा जारी गरिएको छ,’ प्रमुख जिल्ला अधिकारी हुकमला पाण्डेद्वारा हस्ताक्षरित विज्ञप्तिमा भनिएको छ ।
स्थानीय प्रशासनले विज्ञप्तिमा धार्मिकरसाम्प्रदायिक तथा जनस्वास्थ्य संकटकाल र शान्तिसुरक्षाको संवेदनशीलता हेरेर सामूहिक रूपमा गरिने धार्मिक, सांस्कृतिक, राजनीतिक भेला, प्रदर्शनमा निषेध गरेको छ । धरानामा आज विभिन्न धार्मिक संघ संगठनहरूले प्रर्दशन गर्ने तयारी गरेका छन् भने त्यहाँ डेंगी रोगको संक्रमण पन फैलदै गएको छ । दुबैलाई ध्यानमा राखेर निषेधाज्ञा जारी गरिएको हो ।
धरान प्रवेश गर्ने पश्चिम बाटो बराहक्षेत्र नगरपालिका १ मा पर्ने झण्डा चोकदेखि धरानतर्फको क्षेत्र, पश्चिम दक्षिण रामधुनी नगर ६ बाट बराहक्षेत्र ३ नडाहा चोकदेखि धरानतर्फ, इटहरी उपमहानर २० तरहरा पानीपियादेखि उत्तर धरानतर्फ, धरान ५ प्रवेश गर्ने पूर्वी केराबारीबाट धरानतर्फ र धनकुटाको साँगुरीगढी गाउँपालिका ६ भेडेटारबाट धरानतर्फको क्षेत्रमा निषेधाज्ञा जारी गरिएको छ ।
यसैबीच धरानाका राजनीतिक दलहरूले सामाजिक सद्भाव कायम गर्न र द्वन्द्वको वातावरण अन्त्य गर्न सबै पक्षलाई अपिल गरेका छन् । शुक्रबार बसेको सर्वदलीय नेपाली कांग्रेस, एमाले, माओवादी केन्द्र, नेकपा एकीकृत समाजवादी, राष्ट्रिय स्वतन्त्र पार्टी, जनता समाजवादी पार्टी, राष्ट्रिय प्रजातन्त्र पार्टी, नागरिक उन्मुक्ति पार्टी, नेससपा, राजमुपा, किखसपा, विवेकशील साझा पार्टीले संयुक्त अपिल जारी गरेका छन् ।
बैठकपछि उनीहरुले संयुक्त विज्ञप्ति जारी गर्दै विगत केही दिनदेखि धरानमा देखिएको असहज परिस्थितिले सामाजिक सद्भाव, सहिष्णु वातावरण बिथोलिने आशङ्का उत्पन्न भएको भन्दै चिन्ता व्यक्त गरेका छन् । कोशी पुनः नामकरण संयुक्त संघर्ष समितिले भदौ ९ गते धरानमा आयोजना गर्ने भनिएका सबै कार्यक्रमहरू स्थगित गरेरका छन् ।
१ वर्ष अगाडि
१ वर्ष अगाडि
अर्थ, जनजाति, जिवनशैली, ताजा समाचार, देश
राष्ट्रपति पौडेलले बाढीपहिरो पीडितलाई एक महिनाको तलब दिने १ हप्ता अगाडि
ताजा समाचार, देश, प्रदेश, मौसम, राष्ट्रिय खबर
बाढी पहिरोमा मृत्यु हुनेको संख्या २३२ पुग्यो १ हप्ता अगाडि
ताजा समाचार, प्रवास, बागमती प्रदेश, लेख-बिचार, लोकप्रिय, समाचार
चन्दा उठाएर बनाइयो कलात्मक मन्दिर १२ महिना अगाडि
