थाइल्यान्डतर्फ ‘माइक अप’ सेमिफाइनलका लागि पर्साकी स्वरा झा र सारा श्रेष्ठ प्रस्थान
By Birgunj
८ महिना अगाडि
Comments: 0
वीरगञ्ज – वीरगञ्जस्थित प्याब्सन पर्सा सदस्य विद्यालय गौतम स्कुलकी स्वरा झा र नेशनल इन्फोटेक कलेजकी सारा श्रेष्ठ प्रतिष्ठित ‘माइक अप’ अङ्ग्रेजी वक्तृत्वकला प्रतियोगिता को सेमिफाइनल चरणमा प्रतिस्पर्धा गर्न बुधबार थाइल्यान्ड प्रस्थान गरेका छन् ।
त्रिभुवन अन्तर्राष्ट्रिय विमानस्थलमा प्याब्सन पर्साका जिल्ला कार्यसमिति सदस्य सुशील केसीले दुवै छात्रालाई ढाका टोपी र नेपालको झण्डा ओढाएर सफलताको शुभकामना दिदैँ बिदाई गरे । त्यस्तै, गौतम स्कुलका शिक्षक एल्बिन रेन्जरलाई पनि खादा ओढाएर सम्मानपूर्वक बिदाई गरिएको थियो ।
नेपालमा सम्पन्न प्रारम्भिक चरणमा उत्कृष्ट प्रदर्शन गरेका उनीहरूले थाइल्यान्डको बैंककमा भदौ ११ देखि १५ गतेसम्म हुने सेमिफाइनलमा स्थान सुरक्षित गरेका हुन् । उत्कृष्ट प्रदर्शन गर्न सफल भएमा उनीहरूले चीनमा हुने फाइनल चरणमा सहभागी हुने अवसर पाउनेछन् ।
सारा श्रेष्ठ वीरगञ्ज–३ निवासी राजबहादुर श्रेष्ठ र सिता थापाकी छोरी हुन् र हाल नेशनल इन्फोटेक कलेजमा कक्षा १२ मा अध्ययनरत छिन् । त्यस्तै, वीरगञ्ज–१२ निवासी रविन्द्र झा र अनामिका झाकी छोरी स्वरा झा गौतम स्कुलको कक्षा ९ मा अध्ययनरत छिन् ।
८ महिना अगाडि
८ महिना अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
