उरुग्वे विश्वकप छनोट तालिकाको शीर्ष स्थानमा उक्लियो
By YOUTV
११ महिना अगाडि
Comments: 0
काठमाडौं । उरुग्वे विश्वकप छनोट तालिकाको शीर्ष स्थानमा उक्लिएको छ । आज बिहान बोलिभियालाई ३–० गोल अन्तरले पराजित गर्दै आफूलाई तालिकाको शीर्ष स्थानमा उकालेको हो । उत्तर अमेरिकी महाद्वीपबाट विश्वकपमा सिधै ६ राष्ट्रले स्थान बनाउँछन् ।
जसमा उरुग्वे अहिले ६ खेलबाट १३ अंकसहित शीर्ष स्थानमा छ । उरुग्वेलाई जिताउन डार्विन ग्याब्रिएल नुनेजले २ गोल गर्दा एक गोल भने उपहार पाएको थियो ।१५ औं मिनेटमा नुनेजले गोल गर्दै उरुग्वेलाई अग्रता दिलाएका थिए । ३९ औं मिनेटमा बोलिभियाका ग्याब्रिएल भिलामिलले आफ्नै पोस्टमा गोल गरेपछि उरुग्वेले अग्रता दोब्बर बनायो । ७१ औं मिनेटमा नुनेजले व्यक्तिगत दोस्रो गोल गर्दा उरुग्वेले ३–० को सहज जित निकालेको छ । यसैगरी इक्वेडरले चिलीलाई १–० गोल अन्तरले पराजित गरेको छ ।
इक्वेडरको जितमा एन्जल मेनाले २१ औं मिनेटमा गरेको गोल नै निर्णायक बन्न पुग्यो । इक्वेडर ६ खेलबाट ८ अंकसहित तालिकाको पाँचौं स्थानमा रहेको छ । यस्तै, कोलम्बियाले पराग्वेलाई १–० गोल अन्तरले स्तब्ध बनाएको छ । कोलम्बियाका राफेल सान्टोसले ११ औं मिनेटमा पेनाल्टीमार्फत गोल गर्दै अग्रता दिलाएका थिए । सोही अग्रता अन्तिमसम्म कायम राख्दै स्पष्ट ३ अंक लिएको हो । कोलम्यिबाले ६ खेलमा १२ अंक जोड्दै आफूलाई तालिकाको तेस्रो स्थानमा राखेको छ भने पराजित भएको पाराग्वे सातौं स्थनमा छ ।
११ महिना अगाडि
११ महिना अगाडि
अर्थ, जनजाति, जिवनशैली, ताजा समाचार, देश
राष्ट्रपति पौडेलले बाढीपहिरो पीडितलाई एक महिनाको तलब दिने १ हप्ता अगाडि
ताजा समाचार, देश, प्रदेश, मौसम, राष्ट्रिय खबर
बाढी पहिरोमा मृत्यु हुनेको संख्या २३२ पुग्यो १ हप्ता अगाडि
ताजा समाचार, प्रवास, बागमती प्रदेश, लेख-बिचार, लोकप्रिय, समाचार
चन्दा उठाएर बनाइयो कलात्मक मन्दिर १२ महिना अगाडि
