“मर्यादित ब्यवसाय र प्रबिधिमा सहकारी” नाराको साथमा ६५ औ राष्ट्रिय सहकारी दिवसको अवसरमा जय महाबिर कृषि सहकारी संस्था लि. लखनपुरको आयोजना एवं जिल्ला कृषि सहकारी संघ लि. पर्साको आर्थिक सहयोगमा अन्तरक्रिया कार्यक्रम सम्पन्न भएको छ ।
कार्यक्रमलाई सम्बोधन गर्दै जिल्ला कृषि सहकारी संघ लि. पर्साका अध्यक्ष शिव कुमार साहले डिजिटलाइजेसन सम्बन्धी महत्वपूर्ण ज्ञान सम्प्रेषण भएको र अब सहकारीले यसलाई अभियानका रुपमा अगाडि बढाउनुपर्नेमा जोड दिनुभयो छ ।
सामाजिक सेवा संगै सेवा प्रवाहलाई चुस्त बनाएँदै सदस्यलाई सन्तुष्ट बनाउन डिजिटलाइजेसनको विकल्प नभएको बताउनुभयो । सहकारीलाई डिजिटलाइजेसनमा रुपान्तरण गर्ने लक्ष्य रहेका बताउँदै सहकारीलाई हातेमालो गर्न साहले आग्रह गर्नुभएको छ ।
डिजिलट सहभागीले सहकारीमा सुशासनमा बृद्धि गर्छ भन्ने सदस्यको सहभागिता बृद्धि गर्न, प्रजातान्त्रीय नियन्त्रण प्रणालीलाई मजबुद बनाउन, प्रभावकारी संचार अवलम्बन गर्न डिजिटलाइजेसन अपरिहार्य भएको बताउनुभयो । ‘प्रविधिलाई अवसरका रुपमा लिएनौं र झन्झटका रुपमा लियौं भने सहकारी पछि पर्ने छ, उहाँले भन्नुभयो ।
वि.स. २०१३ साल चैत्र २० गते चितवनमा बखानपुर सहकारी ऋण समितिको स्थापना भई नेपालको सहकारी अभियानको शुरूवात भएको ऐतिहासिक दिनको स्मरण गर्दै सदा र्झै यस वर्ष पनि ६५ औं राष्ट्रिय सहकारी दिवस मुलुकभर विभिन्न कार्यक्रम गरि मनाईएको छ ।
जय महाबिर कृषि सहकारी संस्था लि. लखनपुरको सचीव बम बहादुर पन्डितको अध्यक्षता एवं जिल्ला कृषि सहकारी संघ लि. पर्साको अध्यक्ष शिव कुमार साहको प्रमुख आतिथ्यता सम्पन्न कार्यक्रममा वडा सदस्य धर्मराज साह, सखुवा प्रसौनी गाउँपालिकाका कृषि शाखा प्रमुख दायाराम वागले, मुम्ताज अन्सारी, शिव साह लगायतको सहकारी कर्मिहरुको सहभागिता रहेको थियोे । भने कार्यक्रम संचालन उदित साह कानुले गरेका थिए ।
By
By
