स्वर्णलक्ष्मी सहकारी ठगी मुद्दामा तारेख बुझ्न रवि लामिछाने अदालतमा
काठमाडौं, २३ असोज । सत्तारुढ राष्ट्रिय स्वतन्त्र पार्टी (रास्वपा) का सभापति रवि लामिछाने स्वर्णलक्ष्मी सहकारी ठगी मुद्दामा तारेख बुझ्न शुक्रबार दिउँसो बबरमहलस्थित काठमाडौं जिल्ला अदालत पुगेका छन्।
सहकारी ठगीसम्बन्धी मुद्दामा पाँच जिल्लामा मुछिएका लामिछानेका मुद्दा अझै अदालतमा विचाराधीन छन्। महान्यायाधिवक्ताको कार्यालयले लामिछानेविरुद्धको संगठित अपराध र सम्पत्ति शुद्धीकरणको कसुर फिर्ता लिने निर्णय गरेपछि रुपन्देही, पोखरा र चितवनका अदालतबाट ती कसुरसम्बन्धी मुद्दा फिर्ता भएका छन्। अब उनीविरुद्ध सहकारी ठगीको कसुरसम्बन्धी मुद्दा मात्र अदालतमा विचाराधीन छ।
जीबी राईको गोर्खा मिडिया नेटवर्कमा देशका विभिन्न सहकारीको रकम गएको र अपचलन भएको आरोपमा लामिछानेविरुद्ध ठगी मुद्दा दायर भएको हो। अदालतले लामिछानेलाई काठमाडौंमै रहेका विभिन्न अदालतमा तारेख बुझ्न सुविधा दिने निर्णय गरेको थियो।
By
By
