काठमाडौँ, नेपाल — नेपाली प्रतिभा र संस्कृतिलाई अन्तर्राष्ट्रिय जगतमा चिनाउने क्रममा ‘मिस्टर किड्स नेपाल सिजन–३’ का विजेता रयान राणा मगरले थाइल्याण्डको बैंककमा आयोजना हुने प्रतिष्ठित हेरिटेज पेजेन्ट्स २०२६ (Heritage Gems Nepal 2026) मा नेपालको तर्फबाट प्रतिनिधित्व गर्ने हुनुभएको छ।
यो भव्य अन्तर्राष्ट्रिय प्रतियोगिता आगामी नोभेम्बर २० देखि २७, २०२६ (२०–२७ नोभेम्बर) सम्म बैंकक, थाइल्याण्डमा सञ्चालन हुनेछ। प्रतियोगितामा विश्वभरका प्रतिभाशाली बालबालिकाहरूले आ–आफ्नो देशको कला, संस्कृति र क्षमताको प्रदर्शन गर्नेछन्।
‘मिस्टर किड्स नेपाल सिजन–३’ मा आफ्नो अद्वितीय क्षमता, आत्मविश्वास र बौद्धिकताले सबैको मन जित्न सफल रयानले अन्तर्राष्ट्रिय मञ्चमा नेपालको झण्डा फहराउनका लागि विशेष तयारी गरिरहनुभएको छ।
”अन्तर्राष्ट्रिय मञ्चमा देशको प्रतिनिधित्व गर्नु हाम्रा लागि गर्व र दायित्वको विषय हो,” आयोजक संस्था शाह स्टुडियो एन्ड कम्पनीका तर्फबाट जनाइएको छ। “रयानको लगनशीलता र अनुशासनले उहाँलाई यस मञ्चसम्म पुर्याएको छ र थाइल्याण्डमा उहाँले नेपालको नाम उच्च राख्नुहुनेछ भन्नेमा हामी पूर्ण विश्वस्त छौँ।”
आगामी नोभेम्बरमा हुने यस यात्राका लागि विजेता रयान राणा मगरलाई सम्पूर्ण देशवासी तथा शुभचिन्तकहरूले सफलताको शुभकामना व्यक्त गरिरहेका छन्।
By
By
