काठमाडौं ।
नेपालमा चार्जिङ तथा अडियो प्रविधिका अग्रणी ब्रान्ड एन्कर (Anker) र साउन्डकोर (Soundcore) ले आफ्नो बहुप्रतीक्षित ‘एन्कर पावर हंगामा २०२६’ अभियानका विजेताहरू सार्वजनिक गरेको छ। काठमाडौंको तीनकुनेस्थित एक होटलमा आयोजित विशेष समारोहबीच विजेताहरूको घोषणा गरिएको हो।
ग्राहकप्रति आभार व्यक्त गर्दै ब्रान्डप्रति विश्वास कायम राख्ने उपभोक्तालाई सम्मान गर्ने उद्देश्यले सञ्चालन गरिएको अभियानमा देशभरका ग्राहक, खुद्रा विक्रेता, आधिकारिक वितरक तथा सरोकारवालाहरूको उल्लेखनीय सहभागिता रहेको थियो।
कार्यक्रममा बोल्दै सेलुसिटी इन्टरनेशनलका प्रतिनिधिहरूले नेपाली ग्राहकको निरन्तर विश्वास र समर्थनले एन्कर तथा साउन्डकोरलाई बजारमा अग्रणी स्थान दिलाएको बताए। साथै, अभियानलाई सफल बनाउन सहयोग पुर्याउने ग्राहक, विक्रेता र वितरकप्रति विशेष धन्यवाद व्यक्त गरिएको थियो।
अभियान दुई चरणमा सञ्चालन गरिएको थियो। पहिलो चरण सन् २०२५ डिसेम्बर १ देखि २०२६ जनवरी ३१ सम्म तथा दोस्रो चरण २०२६ मार्च १ देखि अप्रिल ३० सम्म चलेको थियो। अभियानअन्तर्गत सहभागी स्टोरहरूबाट ३,००० रुपैयाँभन्दा बढीको खरिद गर्ने ग्राहकहरूलाई सहभागी गराइएको थियो।
आकर्षक पुरस्कारहरू
अभियानको बम्पर पुरस्कारस्वरूप एक जना भाग्यशाली विजेतालाई ‘डोङफेङ नाम्मी बक्स’ कार प्रदान गरिएको छ। साथै अन्य विजेताहरूलाई पनि विभिन्न आकर्षक पुरस्कार प्रदान गरिएको छ, जसमा:
* २ थान रोयल एनफिल्ड हन्टर ३५० मोटरसाइकल
* ३ थान सुनका सिक्का
* २ जोडीका लागि थाइल्यान्ड भ्रमण प्याकेज
* २ थान वार्षिक मेम्बरशिप सुविधा
कम्पनीका अनुसार विजेताहरूको नाम आधिकारिक रूपमा घोषणा गरिएको छ र आवश्यक प्रमाणीकरण प्रक्रिया पूरा भएपछि पुरस्कार हस्तान्तरण गरिनेछ।
एन्कर र साउन्डकोरले आगामी दिनमा पनि नेपाली ग्राहकलाई लक्षित गर्दै यस्तै नवीन र आकर्षक योजनाहरू ल्याउने प्रतिबद्धता व्यक्त गरेका छन्।
By
By
