मुख्यमन्त्री प्रकरणमा एमाले मधेश अध्यक्षको धारणा: देशीविदेशी चलखेलले बहुमतमा प्रहार, विश्वासको मत लिने प्रयासमा छौँ
By anjana soni
५ महिना अगाडि
Comments: 0
जनकपुरधाम। नेकपा (एमाले) मधेश प्रदेश अध्यक्ष चन्देश्वर मण्डलले देशीविदेशी शक्तिहरूले चलखेल गरी एमालेको मुख्यमन्त्रीको पक्षमा रहेको बहुमतमा प्रहार गरेको आरोप लगाएका छन्।
सर्वोच्च अदालतले मुख्यमन्त्री सरोजकुमार यादवलाई मंगलबारभित्र विश्वासको मत लिनु पर्ने दिएको फैसलाको स्वागत गर्दै उनले भने, “एमालेको मुख्यमन्त्री गैरसंवैधानिक भन्ने अरू दलहरूको आरोप त पुष्टि भएन, विश्वासको मत लिने समयभित्र लिनेछौँ।”
अध्यक्ष मण्डलले अघिल्लो सरकारले विश्वासको मत लिन नसकेपछि एमालेले संविधानको धारा १६८ को उपधारा ३ अनुसार सरकार बनाएको बताए। उनले प्रदेश प्रमुखलाई सरकारले हटाए पनि मुख्यमन्त्री चयनमा सर्वोच्चले कुनै गल्ती नदेखाएको दाबी गरे।
“यदि एमालेको मुख्यमन्त्री नियुक्ति गलत थियो भने सर्वोच्चले निर्णय उल्ट्याएर पुरानै सरकार स्थापित भइसक्थ्यो,” उनले भने।
उनले सर्वोच्च अदालतको निर्णयलाई सम्मान गर्ने बताएका छन्। उनले गठबन्धन भत्किनुमा देशीविदेशी शक्तिको हात रहेको दोहोर्याए।
शुरुवातमा बहुमत: “शुरुमा हाम्रो बहुमत थियो, जनमतलाई देशी विदेशी शक्ति लागेर गठबन्धनबाट छुटाउने काम भयो,” मण्डलले भने।
गठबन्धन भत्काइयो: “एमाले, कांग्रेस र जनमतको बहुमतमा जनमतलाई छुटाइयो,” उनले थप स्पष्ट पारे।
वर्तमान अवस्था: अहिले भने कांग्रेससँग पनि कुनै वार्ता नभएको उनले उल्लेख गरे।
उनले एमालेले राजनीतिमा विश्वासको वातावरणमा काम गरिरहेको भए पनि अरू दलहरूबाट धोका भएको भन्दै असन्तुष्टि व्यक्त गरे।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
