वीरगञ्ज – जेनजी आन्दोलनको क्रममा सरकारले गरेको दमनविरुद्ध आज बिहानैदेखि वीरगञ्जमा विरोध प्रदर्शन तीव्र बनेको छ। विभिन्न स्थानमा जारी प्रदर्शनको क्रममा रामघडवास्थित नेकपा (एमाले) पार्टी कार्यालयमा प्रदर्शनकारीहरूले आगजनी गरेका छन्।
आगलागीबाट पार्टी कार्यालयमा ठूलो क्षति पुगेको जनाइएको छ। घटनापछि स्थिति नियन्त्रणमा लिनका लागि ठूलो संख्यामा सुरक्षाकर्मी परिचालन गरिएको छ। प्रशासनले थप तनाव फैलिन नदिन उच्च सतर्कता अपनाएको जनाएको छ।
विरोध प्रदर्शन अझै पनि वीरगञ्जका विभिन्न क्षेत्रमा जारी छ र वातावरण तनावग्रस्त बन्दै गएको छ। स्थानीय प्रशासनले शान्ति सुरक्षाको अवस्था सम्हाल्न अपील गर्दै नागरिकहरूलाई संयमित रहन आग्रह गरेको छ।
By
By
