वीरगञ्ज, फागुन २० – आगामी स्वतन्त्र विद्यार्थी युनियन (स्ववियु) निर्वाचनका लागि वीरगञ्ज नर्सिङ क्याम्पसबाट नेपाल विद्यार्थी सङ्घ (नेविसंघ) का तर्फबाट दियान्सु श्रेष्ठले अध्यक्ष पदका लागि उम्मेदवारी घोषणा गरेका छन्।
श्रेष्ठले विद्यार्थीहरूलाई सम्बोधन गर्दै आफ्नो उम्मेदवारी औपचारिक रूपमा सार्वजनिक गरेका हुन्। उनले विद्यार्थीहरूको हकहितको प्रतिनिधित्व गर्ने प्रतिबद्धता जनाउँदै मतदाताको साथ, सहयोग, माया र समर्थनको अपेक्षा व्यक्त गरेका छन्।
“म विद्यार्थीहरूको आवाज प्रयास बन्ने छु। कृपया मलाई आफ्नो अमूल्य भोट दिएर विजयी बनाउनुहोस्,” श्रेष्ठले भने।
स्ववियु निर्वाचन त्रिभुवन विश्वविद्यालयको कार्यतालिकाअनुसार चैत ५ गते सम्पन्न हुने छ।
By
By
