काठमाडौं । वुमन्स प्रिमियिर लिग (डब्ल्यूपीएल)मा दिल्ली क्यापिटल्सले दोस्रो जित निकालेको छ । बिहीबार राति भएको खेलमा दिल्लीले रोयल च्यालेन्जर्स बैंग्लोरलाई २५ रनले पराजित गरेको हो । पहिले ब्याटिङ गरेको दिल्ली क्यापिटल्सले ५ विकेट गुमाएर १९४ रन बनाएको थियो ।
१९५ रनको लक्ष्यको जवाफमा रोयल च्यालेन्जर्स बैंग्लोरले निर्धारित ओभरमा ९ विकेट गुमाएर १६९ रन मात्रै बनाउन सक्यो । बैंग्लोको पहिलो हार हो ।पहिले ब्याटिङमा आएको दिल्लीको टोलीले राम्रो सुरुवात गरेको थियो । मेग ल्यानिङ ११ रन बनाएर आउट भएपछि शेफाली वर्मा र एलिस क्याप्सीबीच ८२ रनको साझेदारी भएको थियो ।
एलिस क्याप्सीले ४६ रन बनाइन् भने शेफाली वर्माले ५० रनको उत्कृष्ट पारी खेलिन् । इनिङ्सको अन्त्यमा मारिज्ने क्यापले ३२ रन र जेस जोन्सनले ३६ रनको अविजित इनिङ खेल्दै टोलीको स्कोर २०० को नजिक पु¥र्याएका थिए । बैंगलोरका लागि सोफी डेभिन र नादिन डे क्लर्कले २–२ विकेट लिए ।
१९५ रनको लक्ष्यको जवाफमा आरसीबीले उत्कृष्ट सुरुवात गरेको थियो । स्मृति मन्धाना र सोफी डेभिनले पहिलो विकेटका लागि ७७ रन जोडे । सोफी डेभिनले २३ रन जोडेपछि मन्धनाले सबिनेनी मेघनासँग ३५ रन जोडिन् ।
कप्तान स्मृति मन्धानाले ७७ रनको उत्कृष्ट इनिङ्स खेलेकी थिइन् । मन्धानाको विकेट गुमेपछि दिल्लीले खेलमा आफ्नो पकड बलियो बनाएको थियो । सेविनेनी मेघनाले ३६ रन बनाएर बैंग्लोरको टोली २० ओभरमा ९ विकेट गुमाएर १६९ रन बनाउन सफल भयो र खेल २५ रनले पराजित भयो । दिल्लीका लागि जेस जोनसनले सर्वाधिक ३ विकेट लिँदा मार्जिनेन केप र अरुणधती रेड्डीले दुई दुई विकेट लिए ।
By
By
By
