आगामी दिनमा सामुदायिक वनका समस्यालाई प्राथमिकतामा राखेर बजेट ल्याउने गण्डकी प्रदेशका मुख्यमन्त्री पोखरेलको भनाई
By YOUTV
४ वर्ष अगाडि
Comments: 0
काठमाडौं । पुष २८ गते
सामुदायिक वनका समस्याको समाधान गर्न गण्डकी प्रदेश सरकार तयार रहेको गण्डकी प्रदेशका मुख्यमन्त्री कृष्णचन्द्र नेपाली पोखरेलले बताउनु भएको छ ।नवलपरासी (बर्दघाट–सुस्तापूर्व)को देवचुली नगरपालिका–१७ स्थित चौतारी सामुदायिक वन उपभोक्ता समूहको मङ्गलबार आयोजना गरेको रजत जयन्ती कार्यक्रमको उद्घाटन गर्दै मुख्यमन्त्री पोखरेलले आगामी दिनमा सामुदायिक वनका समस्यालाई प्राथमिकतामा राखेर बजेट ल्याउने बताउनु भएको थियो । उहाँले ‘सामुदायिक वनमा विभिन्न खालका समस्या रहेको र ती समस्या समाधानका लागि प्रदेश सरकारले विशेष पहल र बजेटको व्यवस्था गर्ने जिकिर गर्नु भएको थियो । ’
प्रदेशका सामुदायिक वनका समस्या समाधानमा आफू अग्रसर रहने उहाँले प्रतिबद्धता जनाउनु भएको थियो । स्तन क्यान्सर भएका महिलाको उपचार खर्च सरकारले बेहोर्ने, कोरोनाबाट मृत्यु भएका परिवारलाई ५० हजार दिने, अभिभावक गुमाएका बालबालिकालाई प्रतिमहिना पाँच हजार पढाइ खर्च दिने, बेसाहारालाई मानवसेवा आश्रममा राख्नेलगायत कार्यक्रम प्रदेश सरकारले अघि बढाएको मुख्यमन्त्री पोखरेलले बताउनु भएको छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
