हामीले छोटो समयमा नै राम्रो उपलब्धि गरेका छौँ –माधवकुमार नेपाल
By YOUTV
३ वर्ष अगाडि
Comments: 0
काठमाडौं पुस २३ गते । आफ्नो पार्टीले छोटो समयमा राम्रो उपलब्धि गरेको नेकपा (एकीकृत समाजवादी) का अध्यक्ष माधवकुमार नेपालले बताएका छन् । एकीकृत समाजवादीनिकट नेवा समूहले काठमाडौंमा आयोजना गरेको कार्यक्रमलाई सम्बोधन गर्दै उनले यस्तो बताएका हुन् । उनले छोटो समयमा नै राम्रो उपलब्धि पाएको जिकिर गरेका छन् ।
उनले भने, ‘हामीले पार्टी बनाउनेबित्तिकै स्थानीय चुनावमा आउनुपर्यो । त्यसपछि प्रदेश र संघको निर्वाचन पनि आयो र हामी सहभागी पनि भयौँ । तर यहाँबाट प्राप्त उपलब्धिसँग हामी सन्तुष्टि छौँ ।’नेकपा एमालेमा दक्षिणपन्थी अवसरवाद देखा परेपछि आफूहरूले पार्टी छाडेको उल्लेख गर्दै उनले भनेका छन्, ‘हाम्रो विद्रोहलाई जनताले अनुमोदन गरेका छन् । चुनावमा हामीले उठाएका उम्मेदवारमध्ये ५० प्रतिशतभन्दा बढीले जित्नुभयो ।’
समानुपातिक मतमा आफूहरूको चित्तबुझाइ नभएको तर, त्यसलाई सधैँ सम्मान गर्ने उनले बताएका छन् । उनले कमजोरीलाई स्वीकार्दै आगामी दिनमा अघि बढ्नुपर्ने र कुनै वाद, विवाद वा बहसबाट हामी डराउनुपर्ने कुनै कारण नभएको उल्लेख गरेका छन् ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
