मेसीको इन्स्टाग्राम पोष्टले बनायो कीर्तिमान
By Anusha sijapati
३ वर्ष अगाडि
Comments: 0
६ पुस, काठमाडौं
अर्जन्टिनाका कप्तान लियोनल मेसीको पोष्टले इन्स्टाग्राममा नयाँ कीर्तिमान बनाएको छ ।
विश्वकप फुटबलको उपाधि जितेपछि मेसीले पोष्ट गरेको फोटो ग्यालरीसहितको स्ट्याटस इन्स्टाग्रममा अहिलेसम्मकै सर्वाधिक लाइक गरिएको पोष्ट बनेको हो । मेसीको त्यो पोष्टलाई अहिलेसम्म ६ करोड ८४ लाखले लाइक गरेका छन् ।
आइतबार कतारमा भएको विश्वकप फाइनलमा साविक विजेता फ्रान्सलाई पेनाल्टी शुटआउटमा हराएर अर्जेन्टिनाले ३६ वर्षपछि विश्वकप जितेको हो । मेसीले भने करिअरको पहिलो विश्वकप उपाधि जितेका हुन् ।
मेसीको इन्स्टाग्राम पोष्टले अन्डाको फोटोको पोष्टको कीर्तिमानलाई तोडेको हो । अन्डाको उक्त पोष्टलाई ५ करोड ७७ लाखले लाइक गरेका छन् । तर त्यो अन्डाको पोष्ट गर्ने वर्ल्ड रेकर्ड एग नामको एकाउन्ट कसले खोलेको भन्नेमा विभिन्न मत छ ।
एउटा सामान्य अण्डाको फोटोले यति धेरै लाइक कसरी आकर्षित गर्न सफल भयो भन्ने बारे धेरै अनुमानहरू छन् । यो एउटा ठूलो कम्पनीको मार्केटिङ चाल हो र उसले लाइक किनेको भन्ने आरोप पनि छ ।
तर बेलायती विज्ञापन कार्यकारी क्रिस गोडफ्रेले त्यसबेलादेखि नै आफूले अरू दुई जनासँग मिलेर यसलाई सिर्जना गरेको दाबी गरेका छन् ।उनीहरूले आफूहरूको एकमात्र उद्देश्य सकेसम्म धेरै लाइकहरू प्राप्त गर्नु रहेको र त्यसमा आफूहरु सफल भएको बताउने गरेका छन् । अन्डाको उक्त पोष्टले माएल जेनरको कीर्तिमानलाई तोडेको थियो ।
३ वर्ष अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
