लोसपा नेता शरतसिंह भण्डारी निर्वाचित
By Anusha sijapati
३ वर्ष अगाडि
Comments: 0
काठमाडौं, ९ मंसिर ।
मधेस प्रदेशको इतिहासमा सबैभन्दा बढी मन्त्री बन्ने कीर्तिमान बनाएका लोसपा वरिष्ठ नेता शरदसिंह भण्डारीलाई जनताले आठाैंपटक अनुमोदन गरेका छन् । महोत्तरी २ बाट चुनावी प्रतिस्पर्धामा होमिएका भण्डारी २५ हजार १९० मत ल्याएर विजयी भएका हुन् ।
उनले निकटतम प्रतिद्वन्द्वी तमलोपाका विजयकुमार सिंहलाई पराजित गरे । सिंहले ११ हजार १२० मत ल्याए । १४ हजार ७० को फराकिलो मतान्तरले सिंहलाई पछाडि पार्दै भण्डारीले पुन: संसद् यात्रा तय गरेका हुन् ।
२०२८ सालदेखि सक्रिय राजनीति गर्दै आएका भण्डारी २०३८ सालमा राष्ट्रिय पञ्चायत निर्वाचनमा पहिलोपटक विजयी भएका थिए । २०३८ सालदेखि हरेक संसदीय निर्वाचनमा भाग लिँदै आएका भण्डारी २०७४ सालसम्म आइपुग्दा तीनपटक पराजित भए भने पाँचपटक विजयी बने ।
राष्ट्रिय पञ्चायत निर्वाचन २०३८ र २०४३ बाहेक उनी हरेकपटक फरक पार्टी परिवर्तन गरेर निर्वाचन लडेको देखिन्छ । चतुर नेताको पहिचान बनाएका भण्डारी २०५१ सालको आमनिर्वाचनमा स्वतन्त्र भएरसमेत विजयी भएका थिए ।
आफू सत्तामा पुग्न जुनसुकै पार्टीलाई प्रयोग गर्न पछि नपर्ने नेता भण्डारीले अहिलेसम्म ६ वटा दललाई प्रयोग गरेर सत्तामा पुगेका छन् ।उप्रधानमन्त्रीसमेत बनिसकेका भण्डारी विभिन्न मन्त्री र राज्यमन्त्री गरी १५औं पटकसम्म सरकारमा सामेल भएका छन् । २०७४ मा तत्कालीन राजपाबाट निकटतम प्रतिद्वन्द्वीलाई झन्डै दोब्बर मत अर्थात् ३० हजार ७ सय २२ मत ल्याएर उनी विजयी भएका थिए ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
