काठमाडौं, ३० कात्तिक
कास्की- २ मा एकीकृत समाजवादीका उम्मेदवार हुन्, श्रीनाथ बराल । पार्टीको पोलिटब्युराे सदस्यसमेत रहेका बराल सत्ता गठबन्धनका साझा उम्मेदवार हुन् । उनले २०६४ को पहिलो संविधान सभा निर्वाचनमा कास्की २ बाट एमालेका रवीन्द्र अधिकारीलाई विजयी गराउन भूमिका खेलेका थिए । दोस्रो संविधानसभा र २०७४ को प्रतिनिधिसभा निर्वाचनमा पनि रवीन्द्र जिताउन उसैगरी श्रीनाथ नै लागिपरे । यहाँ एमालेकी विद्या भट्टराई उनकी प्रतिस्पर्धी हुन् । उनै श्रीनाथसँग न्युज कारखानाले गरेको कुराकानी :
चुनावको मिति नजिकिँदै गएको छ, ढुक्ढुकी कत्तिको बढेको छ ?
ढुकढुकी कत्ति पनि बढेको छैन । कास्कीमा हामीले नै बनाएको मजबुद्ध संगठन र पाँच दलीय गठबन्धनका कारण म जितको नजिक छु । राम्रो भएको छ । जति चुनाव नजिकिँदै छ, हामी त्यही उत्साहित छौँ ।
सधैँ एमाले उम्मेदवार जिताउन लागि परेको तपाईं यसपटक आफै उम्मेदवार हुनुहुन्छ ? टिकट पाउनलाई पार्टी नै परिवर्तन गर्नु पर्याे है ?
होइन । एउटा परिस्थितिले त्यस्तो हुन पुग्यो । एमालेमा छँदा मलाई अन्याय भएको थियो । तर, अहिले काम गरेर देखाउने बेला आएको छ । अहिले सबै दलका नेता कार्यकर्ताहरूको साथ समर्थन मलाई छ । एमालेजनहरूले पनि मलाई नै माया गर्नुहुन्छ । सबैको मतले बहुमत ल्याउँछु ।
घरदैलोका क्रममा मतदाताहरू के भन्छन् त ?
उनीहरूकाे भनाइबाट एकदमै उत्साही छु । सबैले माया गर्नुभएको छ । हामीसँग विश्वास खोजिरहनु भएको छ, जसको म सम्मान गर्छु ।
यसपालिको मत परिणाम पनि स्थानीय चुनावको जस्तै आउँछ भन्ने लागेको छ ?
पक्कै पनि । कास्कीमा हाम्रो संगठन मजबुत छ । पार्टी र पाँच दलीय गठबन्धन नै कास्कीमा सशक्त भएकाले यसपालिको मत परिणाम पनि स्थानीय चुनावको जस्तै आउँछ भन्ने लागेको छ ।
तपाईंको चुनाव जित्ने मुख्य आधार के के हुन् ?
मुख्य आधार भनेको त सत्ता गठबन्धन नै हो । दोस्रो हाम्रा एजेण्डाप्रति पोखरेलीहरू खुसी छन् । अर्को आधार भनेको यहाँका दाजुभाइ तथा दिदीबहिनीहरूको अपार माया हो । जुन मायालाई मैले वर्षौंवर्षसम्म सम्झेर मेरो क्षेत्रमा मात्रै नभई समग्र कास्की र देशकै भलो हुने काम गर्नेछु । मैले विगतमा अझ भनौँ ४० वर्षसम्म यो क्षेत्रमा गरेकाे योगदानको कदर गर्दै उहाँहरुले कलममा मतदान गर्नुहुन्छ भन्ने मेरो पूर्ण विश्वास छ ।
महंगी न्युनीकरण गर्ने विषयमा यहाँका योजना के के छन् ?
महंगी नियन्त्रण र समृद्धि मेरो एजेण्डा हो ।
By
By
