समृद्धिका लागि जसपा-एमाले गठबन्धनका उम्मेदवारलाई जिताउन समाजवादी महिला संघको आग्रह
By YOUTV
४ वर्ष अगाडि
Comments: 0
वीरगञ्ज, १ कार्तिक । जनता समाजवादी पार्टी नेपाल (जसपा) निकट महिला संगठन समाजवादी महिला संघले जसपा-एमाले गठबन्धनका साझा उम्मेदवारहरुलाई जिताउने अभियानलाई तीव्रता दिएको छ ।
पर्सा निर्वाचन क्षेत्र नम्बर १ मा जसपा-एमाले गठबन्धनको तर्फबाट प्रतिनिधिसभा सदस्य पदका साझा उम्मेदवार प्रदीप यादव, प्रदेशसभा सदस्यद्वय उम्मेदवार विचारी प्रसाद यादव र लालबाबु राउत गद्दीलाई मतदान गर्न आग्रह गर्दै महिला संघले घरदैलो गरेको हो ।
आगामी मंसिर ४ गते हुने निर्वाचनमा जसपा-एमाले गठबन्धनका उम्मेदवारहरुलाई विजयी बनाउने लक्ष्यका साथ आफूहरुले अभियानलाई तीव्रता दिएको समाजवादी महिला संघकी मधेश प्रदेश उपाध्यक्ष पिंकी यादवले बताईन ।
देश र जनताको हित तथा पर्सा जिल्लाको वृहतर विकासका लागी जसपा-एमाले गठबन्धनका उम्मेदवारहरुलाई जिताउनु पर्ने उनको भनाई छ । समाजवादी महिला संघले गरिरहेको घरदैलो र विभिन्न चुनाव केन्द्रित कार्यक्रमको यादवकै संयोजकत्वमा भइरहेको छ ।
घरदैलोका क्रममा संघसँग आबद्ध महिला नेतृहरुले जसपा–एमाले गठबन्धन जिन्दावाद, छाता छाप जिन्दावाद जस्ता नारा पनि लगाएका थिए । कार्यक्रममा जसपा नेतृ अन्नपूर्ण मानन्धर, प्रेरणा श्रेष्ठलगायतको सहभागिता रहेको थियो ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
