काठमाडौं, गैरीधारा – नेपालमा पहिलो पटक सम्पूर्ण सवारीसम्बन्धी सेवा एकै स्थानमा उपलब्ध गराउने उद्देश्यसहित सुरु गरिएको डिजिटल मल्टि-ब्रान्ड प्लेटफर्म SeeCar को औपचारिक शुभारम्भ हालै राजधानीमा भव्य रूपमा सम्पन्न भयो।
गैरीधारास्थित SeeCar को मुख्य कार्यालयमा आयोजित उक्त कार्यक्रममा नेपाली फिल्म, संगीत, खेलकुद, सञ्चार र व्यवसायिक क्षेत्रका प्रतिष्ठित व्यक्तित्वहरूको उल्लेख्य उपस्थिति रहेको थियो। कार्यक्रममा सुरुवात स्वयं महानायक राजेश हमाल बाट गरियो, जसले SeeCar को सोचप्रति सकारात्मक प्रतिक्रिया जनाउँदै डिजिटल युगमा प्रवेश गरेको नेपाली अटोमोबाइल क्षेत्रमा यो ठूलो फड्को भएको बताए।
SeeCar को माध्यमबाट अब प्रयोगकर्ताहरूले नयाँ गाडी, प्रयोग गरिएका प्रमाणित सवारी साधन, ईभी चार्जिङ स्टेशन, बीमा, फाइनान्स, ब्लूबुक नवीकरणदेखि लिएर रेस्टुरेन्ट र कार एक्सेसोरीसम्मका सबै सेवा एकै डिजिटल प्लेटफर्ममार्फत प्राप्त गर्न सक्नेछन्। यस्तो सुविधा नेपालमै पहिलोपटक उपलब्ध भएको हो।
SeeCar का CTO सञ्जिव उपाध्याय का अनुसार, यो प्लेटफर्म ग्राहकमैत्री बनाइएकाले ग्राहकले अनलाइनबाटै गाडीको ट्रायल बुक गर्न, मूल्य तुलना गर्न, डिलर छनोट गर्न तथा वित्तीय परामर्श लिन सक्नेछन्।
SeeCar का प्रमुख सेवाहरू यसप्रकार छन्:
- ✅ ब्रान्ड न्यू गाडी
- ✅ प्रमाणित प्रयोग गरिएका गाडी
- ✅ EV चार्जिङ स्टेशन
- ✅ पारिवारिक रेस्टुरेन्ट
- ✅ कार एक्सेसोरी
- ✅ बीमा तथा फाइनान्स सुविधा
- ✅ ब्लूबुक नवीकरण सेवा
- ✅ रोडसाइड सहायता
- ✅ भरपर्दो डिलर नेटवर्क
SeeCar ले डिजिटल रूपान्तरणमार्फत नेपालमा सवारी साधन सम्बन्धी सेवा क्षेत्रमा एक नयाँ अध्यायको सुरुवात गरेको बताइएको छ। व्यवसायिक क्षेत्रका विज्ञहरूले यसलाई “स्मार्ट नेपाल” को दिशातर्फको एक महत्वपूर्ण पाइला भन्दै प्रशंसा गरेका छन्।
हाल SeeCar को सेवा काठमाडौंको गैरीधाराबाट सुरु गरिएको छ भने छिट्टै देशभर सेवा विस्तार गर्ने योजना रहेको कम्पनीले जनाएको छ।
By
By
